سیمه ییز خبرونه
د افغان امنيتي ځواكونو په ملاتړ به ډاډمنې ټاكنې تر سره شي- سالنگي
Last Updated on: لړم ۳, ۱۴۰۱
د كورنيو چارو وزارت ټاكنو ته له بشپړې تيارۍ خبر وركوي.
د كورنيو چارو وزارت امنيتي مرستيال محمد ايوب سالنگي د دغه وزارت پر امنيتي تياريو د ډاډ پر څرگندولو سربېره وايي:
له وزارته نيولې ان تر قوماندانيو پورې يو لړ بدلونونه رامنځته شوي، چې د ډاډمنو ټاكنو د تر سره كولو ښه زيرى يې بولو.
دغه راز كورنيو چارو وزارت ښاغلى عبدالرحمن رحيمي د بلخ ولايت د امنيه قوماندان په توگه ټاكلى او د دې قوماندانۍ پخوانى قوماندان ښاغلى محمد سالم احساس ته د كورنيو چارو وزارت د پوليسو رياست سپارل شوى دي.
د بلخ امنيه قوماندان عبدالرحمن رحيمي د فساد په وړاندې مبارزه خپل كاري لومړيتوب وگاڼه او د دې ولايت پر امنيتي خونديتوب يې ټينگار څرگند كړ.