د افغان دولت په وړاندې جگړه په پټه رهبري كيږي- سياف

د جگړو دوام او د ځانمرگو بريدونو زياتوالي د سيمې او نړۍ د ۲۴ اسلامي هېوادونو عالمان او ديني مشران د سې شنبې په ورځ(د تلې ۲) په كابل كې را غونډ كړل.

د مجاهدينو يو جهادي مشر عبدالرب رسول سياف په دې يو ورځني كنفرانس كې وويل:

د افغانستان خلك د نړيوالو توطيو قرباني دي. څوك، چې له مونږ سره جگګيږي آلې دي، د جاهليت له وجې په څه نه پوهيږي؛ خو څوك، چې له مونږ سره هدف لرونكې جگړه كوي، د پردې تر شا دي او پلانونه جوړوي. څوك، چې ځانمگي كوي، پر حكم يي نه پوهيږي.

په غونډې كې د ولسمشر حامد كرزي پيغام د سولې عالي شورا مرستيال  عطالله لودين ولوست، چې په كې راغلي:

په افغانستان كې د جگړو د وام بهرنيانو ته زمينه برابره كړې، چې په دې هېواد كې لاسوهنې وكړي.

د سولې عالي شورا رييس صلاح الدين رباني وايي:

د ځينو هېوادونو د عالمانو دا فتوا، چې په افغانستان كې د بې گناه وگړيو وژل كيدل روا عمل بولي، زيات فكر كولو  ته اړتيا لري.

په همدې حال كې د اسلامي هېوادونو د همكاريو د سازمان مسوول آيدين نورحان وايي:

مونږ په اسلامي هېوادونو په ځانگړي توگه افغانستان كې د تاوتريخوالي پر دوام خوشيني يو.مونږ بايد له اسلام څخه يو سم تعبير ولرو، چې وكړاى شو پر بنسټ يي روان اختلافات پاى ته ورسوو.

دا نړيواله ناسته، چې د سولې عالي شورا او د افغانستان د ديني عالمانو د سراسري شورا له لوري په كابل كې جوړه شوې، موخه يي دا ده، چې په افغانستان كې پر روانو امنيتي ستونزو او ننگونو بحث او خبرې وې.