سیمه ییز خبرونه
د امریکا او ایران خبرې له پایلې پرته؛ پر هرمز تنګي راوڅرخېدې
د سرچینو د څرګندونو له مخې، د خبرو دغه دوه ورځنی پړاو تر ډېره پر عملي موضوعاتو؛ لکه په هرمز تنګي کې د بېړیو تګراتګ او د ایران د شتمنیو پر آزادولو راڅرخېدلی دی. دا موضوعات مخکې هم د یوې لنډمهالې هوکړې په چوکاټ کې مطرح شوي وه.
په دوحه کې د امریکا او ایران ترمنځ غیر مستقیمې خبرې اترې پای ته رسیدلي دي؛ خو راپورونه ښیي، چې دغو خبرو اترو د یوې تلپاتې هوکړې پر لوري د پام وړ پرمختګ نهدی کړی.
د سرچینو د څرګندونو له مخې، د خبرو دغه دوه ورځنی پړاو تر ډېره پر عملي موضوعاتو؛ لکه په هرمز تنګي کې د بېړیو تګراتګ او د ایران د شتمنیو پر آزادولو راڅرخېدلی دی. دا موضوعات مخکې هم د یوې لنډمهالې هوکړې په چوکاټ کې مطرح شوي وه.
د راپورونو له مخې: د اټومي پروګرام په اړه خبرې، چې د دواړو لوریو ترمنځ د اختلاف له مهمو موضوعاتو څخه دي؛ په دې پړاو کې نهدي شوي او ټاکل شوې په راتلونکو پړاوونو کې پرې بحث وشي.
د قطر بهرنیو چارو وزارت ویلي، په دغو خبرو کې پر ځینو موضوعاتو «مثبت پرمختګ» شوی او راتلونکې غونډې به د ایران د پخواني رهبر له جنازې وروسته ترسره شي.
سره له دې، چې د هرمز تنګي وضعیت اوس هم روښانه نهدی او راپورونه ښيي، چې د نړۍ د انرژۍ د دې مهمې لارې د امنیت په اړه اندېښنې او کړکېچونه روان ساتل شوي دي.