د امریکا په بودیجه کې دوه میلیارد و شپږ سوه میلیون دالر افغانستان ته ځانگړي کیږي

د امریکا ولسمشر بارک اوباما د خپل هېواد کانگرس ته د بودیجي د طرحې په وړاندي کولو سره وویل، چې هېواد یې له افغانستان سره د اوږد مهال لپاره مرستو ته چمتو دی.

په افغانستان کي تر ټولو لویه اندېښنه دا ده، چې امریکا او نور هېوادونه به افغانستان یوازي پریږدي او یادو ستونزو له هغې وروسته زور اخستی، چي د کابل او واشنگتن تر منځ امنیتي تړون تر اوسه ندی لاسلیک شوی.

امریکا ویلي ول، چې که امنیتي تړون لاسلیک نشي؛ نو خپلې مرستې به بندې کړي او خپل ټول سرتېري به له افغنستان څخه وباسي؛ خو په کانگرس کې د اوباما وروستیو څرگندونو دا وښوده، چي امریکا له افغنستان سره د اږود مهال لپاره مرستې کوي.

سپینه مانۍ وایي، چي دا مرستې به یوڅای نه ورکول کیږي، بلکې په بېلا بېل ډول به ورکول کیږي.

كارپوه آذرخش حافظي وايي:

اوس باید دې ته تمه وشي، چي د ولسمشر بارک اوباما وړاندې شوې طرحه د کانگرس لخوا تصویب کیږي او که نه.

رمضان جمعه زاده وايي:

بارک اوباما په داسې شرایطو كې له افغانستان سره په خپلو اږود مهالو مرستو ټینگارکوي، چې په دې وروستیو کې د امنیتي تړون د نه لاسلیک کیدو په پایله د دواړو هېوادنو تر منځ اړیکي ترینگړې شوې دي.

امریکا تر اوسه په میلیاردونو دالر له افغانستان سره مرسته کړي، چي د یادو مرستو زیاته برخه په نظامي او امنیتي برخو کي لگول شوې او اوس هم د یاډو مرستو دوام د افغانستان لپاره زیات مهم بلل کیږي

دا په داسې حال کې ده، چې امریکا له دې وړاندې ویلي ول، چي که افغان حکومت امنیتي تړون لاسلیک نکړي؛ نو یاد هېواد به خپلې مالي مرستې او خپل ټول پوځیان به له افغانستان څخه وباسي.