سیمه ییز خبرونه
د بغلان په نهرين كې يو هلك او يوه نجلۍ د چره ييز ټوپك په ډز وژل شوي
بغلان يو ځل بيا د يو تاوتريخوالي شاهد و. دا ځل د دغه ولايت په نهرين ولسوالي كې يو تن خپل لمسى او انږور د چره ييز ټوپك پر ډز وژلي دي.
د بغلان د نهرين ولسوال عبدالفتاح عاطف وايي:
دغه كس ادعا لري، چې انږور او لمسي يې له يو بل سره نا مشروع جنسي اړيكې درلودې.
دا په بغلان كې د تېرو دوه اوونيو په اږدو كې د سحرايي محاكمې درېيمه پېښه ده.
د نهرين ولسوال عبدالفتاح عاطف زيتنوي، څېړنې ښيي، چې د دغه ځوان او ميرمنې تر منځ جنسي اړيكو شتون نه درلود.
د نوموړي په وينا، ياده پښه د كورني كړكېچ له كبله را منځته شوې ده.
د بشري حقونو او مدني ټولنو فعالان بيا د دا ډول پېښو د زياتيدو لامل د محاكمو له خوا قانون نه پلې كول او د پېښې له سيمې څخه د مجرمينو تيښنه په گوټه كوي.
دا په داسې حال كې ده، چې د بشري حقونو خپلواك كميسيون په خپل يو تازه رپوټ كې ويلي، چې د روان كال په لوموړيو شپږ مياشتو كې د تېر كال په پرتله د ښځو په وړاندې تاوتريخوالى پېنځه ويشت سلنه زيات شوى دى.
قتل ، ځانسوزونه ، ځانوژنه ، وهل ټكول او اجبارې ودونه هغه پيښې دي، چې په دغه رپوټ كې ورته اشاره شوې ده .