سیمه ییز خبرونه
د بن په دوه يم كنفرانس كې به يوازې دولتي پلاوى گډون وكړي- موسى زى
د افغانستان د بهرنيو چارو وزارت وياند په دغه كنفرانس كې د مخالفو ډلو شتون د سولې د بهير له پرمختيگ سره تړلى بولي.
دا په داسې حال كې ده، چې د انجنيرگلبدين حكمتيار په مشرۍ د حزب اسلامي ډلې په دې ورستيو كې ويلي، چې:
كه له دوى په دغه كنفرانس كې د گډون لپاره په خپلواكه بڼه بلنه وشي؛ نو دوى به له يوې طرحې سره په دغه كنفرانس كې گډون كوي.
د سولې عالې شورا په دې ورستيو كې د حزب اسلامې له خوا په افغانستان كې د سولې د راتلو هڅي مثبتې بولې .
د انجنيرگلبدين حكمتيار په مشرې د اسلامي حزب يو لوړ پوړي چارواكي قريب الرحمن سعيد په دې ورستيو كې د بن په دوه يم كنفرانس كې د گډون په موخه د دغه حزب له مشروطو تياريانو خبر وركړى دى.
د سعيد په وينا:
په دې ورستيو كې يې له يو شمېر اروپايي او اومريكايي چارواكو سره كتلي او د بن په دوه يم كنفرانس كې يې د اسلامې حزب پر رول او څرگنوالي خبرې كړي دي .
نوموړى وايي:
په افغانستان كې د جگړې د پاى ته رسيدو په موخه يې يوه پېنځلس ماده ييزه طرحه هم چمتو كړې او د يو خپلواك لوري په ډول به د بن په دوه يم كنفرانس كې گډون وكړي .
د افغانستان د بهرنيو چارو وزارت وياند جانان موسى زى وايي، چې:
د بن په دوه يم كنفرانس كې به د افغانستان له لوري يوازې يو دولتي پلاوى گډون وكړي .
د سولې عالي شورا د نړيوالو اړيكو سلاكار محمد اسماعيل قاسميار وايي، چې:
مخالفې ډلې بايد اول د سولې له بهير سره يو ځاى شي او كله، چې يې استازي د دولت له خوا د بن په كنفرانس كې د گډون كوونكي پلاوي په تركيب كې راشي؛ نو بيا كولى شي هلته خپله حزبي تگلاره وړاندې كړي.
قاسميار وايي:
د سولې عالى شورا د حزب اسلامې له چارواكو سره اړيكې نيولي او داسې ښكاري ، چې د اسلامي حزب په دريځ كې نرم والى را منځته شوى دى.
د سولې عالى شورا دغه چارواكى كابل ته د اسلامي حزب د پلاوي د سفر په باب وويل، چې:
دا سفر له سولې عالي شورا سره په همغږۍ كې تر سره شوى دى .
قاسميار هيله ښكاره كړه، چې:
د بن د دوه يم كنفرانس له پيل وړاندې، چې شا وخوا درې مياشتې ورته پاتې دي، د اسلامي حزب چارواكي او ان وسله وال طالبان به د سولې له بهير سره يو ځاى شي
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه3 days ago
الله ګل مجاهد د قتل پر تور ونیول شو
-
تازه خبرونه2 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري3 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه18 hours ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
د حج او اوقافو وزارت چارسمبالي د ترکیې له ولسمشر سره وکتل
-
لوبی15 hours ago
د کابل کرکټ غوره لیګ لوبغاړو د داوطلبۍ مراسم ترسره شول