سیمه ییز خبرونه
د بيات بنياد د ځواكمنو خوراكي توکو ټولگه ننگرهار ولایت ته رسیدلې
افغانستان د نړۍ یو له هغوهېوادونو څخه دى، چې په كې د خوارځواكۍ په ناروغۍ د اخته ماشومانو كچه خورالوړه ده.
بيات بنياد سږ كال خوارځواكو ماشومانو ته د ځواكمنو خوراكي توكو رسول خپل شعار ټاكلى او هوډ یې کړى، چې د هېواد په گوټ گوټ کې خوار ځواکو ماشونو ته دا توكي ورسوي.
بیات بنیاد د همدې لړ په ترڅ کې دا ځل ننگرهار ولایت ته د خوار ځواکو ماشومانو د مرستي لپاره د ځواكمنو خوراکي توکو ټولگه راستولې ده.
پرخوارځواکو ماشومانو د قوي خوراکي توکو د وېش پرمهال د بیات بنیاد مرستیال حاجي محمد اسماعیل وویل، چې:
د هېواد په نورو سیمو کې به هم دا توكي په نږدې راتلوونکې کې پر خوارځواکۍ اخته ماشومانو ته د قوي خوراکي توکو مرستې واستوي.
حاجي محمد اسماعیل زياته كړه:
بیات بنیاد هوډ کړی، چې په هېواد کې د خوارځواکۍ کچه راټیټه کړي.
هغه خوارځواکه اړماشومان او د هغوی میندې، چې د بیات بنیاد له خوا یې د ځواكمنو خوراکي توکو مرسته ترلاسه کړې له بیات بنیاد څخه مننه کوي او وايي:
بیات بنیاد هر وخت د اړو او بېوزله کورنیو د ماشومانو غښتلتیا او پالنې ته وردانگلي او د هغو لاسنیوی يې کړی دى.
د ننگرهار د ښځو چاروریيسه انیسه عمراني، چې د بیات بنیاد د مرستو لپاره یې د میرمنو پرمټ سلگونه خوار ځواکه ماشومان راټول کړي وايي، چې:
د خوارځواكۍ د ناروغۍ د له منځه وړلو لپاره دغه ډول خوراكي توكي ډېر گټور دي.
نوموړې د روغتيايي خدمتونو په برخه كې د بيات بنياد مرستې او هڅې وستايلې.
بيات بنياد د هېواد د بېلابېلو سيمو په بنسټيزو پروژو كې د فعالې ونډې تر څنگ د ميندو او ماشومانو روغتيا ته هم زياته پاملرنه كړې ده.
په مزارشريف ښار كې يې صالحه بيات روغتون، په فارياب كي د مريم بيات روغتون، په دايكندي كې يې د زهرا بيات روغتون، د ننگرهار په توره بوړه كې يې د فاطمې بيات روغتون، په ميدان وردگو كې يې د بي بي گل تاج روغتون، په لښكرگاه ښار كې يې د فاطمه بيات روغتون، په گرديز كې يې د گوهر تاج روغتون، په سرپل كې يې د بيات بنيات كلنيك، په كابل كي يې د رابعه بلخي روغتون د داخلې څانگي بيارغونه او په اندراگاندي روغتون كې د ماشومانو د عاجلي څانگي له جوړولو څخه يادونه كولى شو او پر دې سربېره یې هر وخت د هېواد په گوټ گوټ کې له طبيعي پېښو څخه زيانمنو او نورو اړو کورنيو ته هم د خپلو مرستو لړۍ وررسولې ده.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
تازه خبرونه1 day ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه2 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
تازه خبرونه5 days ago
سعودي عربستان ته د افغان حاجیانو د لېږد بهیر پیل شو