سیمه ییز خبرونه
د بېړنيو حالاتو كميټې د طبيعي پېښو د احتمالي خطرونو په اړه چمتوالى څرگند كړ
ولسي جرگې په ژمي كي د احتمالي طبيعي پېښو له زيانمنو سره د مرستې په اړه د شنبې په ورځ(د لړم۴) د بېړنيو حالاتو د كميتې غړي عمومي غوندې ته غوښتي ول، چې په دې اړه له چمتوالي معلومات وركړي.
د بېړنيو حالاتو د كميټي مرستيال ويس برمك وايي، د دغې كميټې غړي ارگانونه د را روان ژمي لپاره پوره چمتو والي لري.
د ښاغليو ويس برمك، محمد آصف رحيمي او نجيب اوژن په وينا،۷۱ ميليون افغاني نقدې پيسي، ۲۷۲۹۳ ميتريك ټنه غنم ، ۸۹۴۷ ټنه نور خوراكي توكي، ۱۲۸۴۰ ميتريك ټنه سونگ توكي او له څلور سوه زره ډېرو خلكو لپاره روغتيايي خدمات په پام كي نيول شوي، چې د اړتيا په وخت به ترې كار واخلي.
د بېړنيو حالاتو د كميټي غړيو ډاډ څرگند كړ، چي د چمتوالي له مخي به تر ډېره بريده د احتمالي خطراتو مخه ونيو شي.
دا په داسي حال كي ده، چي د هر كال په ژمي كي د طبيعي پېښو له كبله ډېر خلك له ستونزو سره مخ شوي او په ډېرو مواردو كې خپل ژوند هم له لاسه وركوي.