تازه خبرونه
د ترکمنستان ولسمشر د یو لوړپوړي پلاوي په مشرۍ کابل ته راورسید
د ترکمنستان ولسمشر قربان قلي بیردي محمدوفکابل ته د خپل لومړني سفر موخه له افغانستان سره د سیاسي او اقتصادي همکاریو غزول په گوته کړي دي.
د افغانستان د بهرنیو چارو وزارت ویاند احمدشکیب مستغني ویلي، چې کابل ته به د ښاغلي محمدوف د سفر په لړ کې د کابل او عشق آباد تر منځ په بېلابېلو برخو کې د همکماریو هوکړه لیکونه هم لاسلیک شي.
دا په داسې حال کې ده، چې ولسمشر محمد اشرف غني پرون په ارگ کې د غالیو د تولیدونکې اتحادیې استازیو سره یوه کاري ناسته درلوده.
افغعان ولسمشرد غالیو د صنعت له ټولو صنعتکارو څخه له دې کبله مننه وکړه، چې له شپږ اعشاریه یو میلیون څخه ډېروافغانانو ته یې د کار زمینه برابره کړې ده.
ولسمشر وویل، د دې لیدنې موخه د ټولنې دغړیو له پاره؛د ترکمنستان له هېواد سره د غالیو د تولید په برخه کې د همکاري د ډول په اړه مشوره ده او دغه همکاري به افغانستان ته د ترکمنستان د ولسمشر د سفر پرمهال مطرح شي.
ولسمشر غني په دې غونډه کې سوداگرۍ وزارت ته دنده وسپارله، چې په راتلونکیو دوه اوونیو کې د غالیو د تولید په برخه کې د ستونزو د حل لپاره خپل مشخص وړاندیزونه برابر کړي.
ولسمشر ژمنه کړې، چې د افغانستان حکومت د غالیو د صنعت د بنسټیزو ستونزو د حل لپاره هلې ځلې کوي.
د هېواد اقتصادپوهانو ویلي، چې په دې اړه د پاکستان په پرتله له ترکمنستان سره د همکاریو غزول د افغانستان په گټه دي.