سیمه ییز خبرونه
د خليل زاد خيريه بنسټ د كابل پوهنتون له ليليي سره د خواركي توكو مرسته وكړه
د خليل زاد خيريه بنست د خپلو مرستو پر دوام دا ځل د كابل پوهنتون له ليليې سره د خواركي توكو مرسته وكړه.
د كابل پوهنتون ريس حبيب الله حبيب وايي:
دغه مرسته د هغه تړون له مخې شوې، چې دوه كاله وړاندې د كابل پوهنتون او خليلزاد خيريه بنست تر منځ لاسليك شوى و، چې له دې مرستو مننه كوو.
د كابل پوهنتون رييس وايي، چې دغه مرسته به په ليليه كې د ميشتو محصلينو يو څه ستونزې هوارې كړي.
بل خوا زلمى خليل زاد وايي، چې د شته ستونزو تر څنگ په پوهنتونونو كې د ځوانانو شتون دا هيلې پيدا كوي، چې د افغانستان راتلونكې به ښه وي.
ښاغلى زلمى خليلزاد، چې د يو شمېر محصلينو او استادانو په منځ كې يې خبرې كولې په پوهنتونونو كې يې د ځوانانو د شتون ستاينه وكړه او زياته يې كړه، چې دغه ځوانان د افغانستان د راتلونكې په اړه هيلې نورې هم زياتوي.
نوموړي همدا راز په كابل پوهنتون كې د دغه بنسټ له خوا د يو شمېر نورو پروژو د پيليدو خبر وركوي او زياتوي، چې د خليل زاد خيريه بنسټ به په راتلونكې كې هم له كابل پوهنتون سره خپلو مرستو ته دوام وركړي.