سیمه ییز خبرونه
د دالرو ليلام به د افغانۍ د ارزښت له ساتلو سره دوامداره مرسته نه شي كولى
Last Updated on: لړم ۳, ۱۴۰۱
د كابل پوهنتون استاد سيد مسعود په دې باور دي، چې له تېرو دوه مياشتو راهيسې افغانۍ د بهرنيو اسعارو په ځانگړي توگه د دالرو په وړاندې خپل ثبات له لاسه وركړى.
د شهزاده سراى د صرافانو د ټولنې رييس نجيب الله اختري وايي:
له امريكا سره د افغانستان د امنيتي تړون د مسئلې ترينگلي كيدو، افغانۍ نوره هم بې ثباته كړې ده.
د نوموړي په وينا، په تېره اوونۍ كې يو دالر په اته پنځوس افغانۍ هم تبادله شو.
د ښاغلي مسعود په وينا، په بازار كې د يو سل و پنځوس ميليون دالرو ليلام يو شمېر فرصت طلبو كسانو ته نهه سوه ميليون افغانۍ گټه په لاس وركړې ده، چې زور يې له عادې وگړيو وځي.
د افغانستان بانك مسوولينو تر دې دمه په دې اړه څه نه دي ويلي.
د دوى په وينا، كه له امريكا سره د افغانستان د امنيتي تړون مسئله حل شي، افغانۍ به ثبات پيدا كړي.