1393ټاكنې
د راى پاڼو شمېرنه له تخنيكي كړنلارې بې برخې ده- ایوب زاده
Last Updated on: لړم ۳, ۱۴۰۱
د افغانستان د رڼو ټاكنو بنسټ د ټاكنو پر خپلواك كميسيون نيوكه كوي، چې د راى پاڼو په شمېرنه كې تخنيكي كړنلاره نه لري.
دا څارونكى بنسټ د ټاكنو له خپلواك كميسيون غواړي، چې د راى پاڼو د شمېرنې پر مهال بايد څارونكيو ته د ډېرې څارنې زمينه برابره كړي.
د افغانستان د رڼو ټاكنو د بنسټ رييس محمد نعیم ایوب زاده غواړي، چې د ټاكنو خپلواك كميسيون كاركونكي بايد د راى پاڼو د شمېرنې پايلې څارونكيو ته د سكرين پر مخ وښيي، چې څارونكي وكړاى شي د څارنې له بهيره كره رپوټونه جوړ كړي.
تيفا پر دې هم نيوكه كوي، چې د څارونكيو بنسټونو او د ټاكنو خپلواك كميسيون تر منځ په چارو كې همغږي شتون نه لري.
د ټاكنو خپلواك كميسيون وياند نورمحمد نور دا څرگندونې نه مني.
د يادونې وړ ده، چې تيفا د ټول هېواد په كچه دوه زره څارونكي لري، چې د ټاكنيز بهير څارنه كې ښكيل دي.