تازه خبرونه
د روزگان په ترینکوټ کې ځانمرگي ۴۷ تنو ته مرگ و ژوبله واړوله
(Last Updated On: لړم ۳, ۱۴۰۱)
یوه ځانمرگي برید کوونکي تېره شپه د روزگان ولایت د مرکز ترینکوټ په يوه هوتل کې لږ تر لږه لس تنه ووژل او ۳۷ نور یي ژوبل کړل.
د ده په وینا د اووه تنو ټپیانو حال نازک دی.
د امنيتي چارواكو په وينا، د بريد كوونكي موخه د پوليسو يو لوړپوړى چارواكى و، چې هدف ته له رسيدو وړاندې يې چاوديدونكي توكي په يو هوتل كې د ملكي خلكو تر منځ وچاوديدل.
د اروزگان امنیه قوماندان جنرال مطیع الله خان رسنیو ته وویل، چی په ترینکوټ کې دې چاودنې یوه ودانۍ او یو هوټل زیانمن کړي.
تراوسه پوري چا د دې برید مسوولیت په غاړه نه دی اخیستی.
وسله والو طالبانو په وروستیو ورځو کې ځانمرگو او بمي بریدونو ته زور ورکړی او ظاهراً د دوی هدف دا دی، چې د افغانستان د ولسمشرۍ او ولایتي شوراگانو تر ټاکنو وړاندې خلک و ویروي، چې په ټاکنو کي گډون ونکړي.