سیمه ییز خبرونه
د زابل په عملياتو كې دېرش شكمن كسان نيول شوي- روغ ليونى
د زابل امنيتي چارواكي وايي:
له يوې اوونۍ را په ديخوا د دې ولايت په بېلابېلو سيمو كې د امنيتي ځواكونو له خوا شاوخوا ۶۰عمليات تر سره شوي، چې په كې دېرش شكمن كسان نيول شوي، چی لس په جرمونو ککړ پېژندل شوي دي.
چارواكي وايي:
په راتلونكې كې به هم ورته عمليات تر هغو روان وي، چې ډاډمن امنيت راغلى نه وي.
د زابل امنیه قوماندان مل پاسوال غلام سخي روغ لیوني وایي:
یادو لس کسانو پخپلو جرمونو اعتراف کړی او ویلي یی دی، چی د سیمي په امنیتي پېښو، وژنو او بمي چاودنو کی یی لاس درلود.
قوماندان روغ ليونى زیاتوي:
په عملیاتو کی گڼ شمېر ماینونه او د وسوله والو موترسیکلونه هم نیول شوي دي.
روغ لیونى وایي:
زموږ امنيتي ځواكونو د سیمي د ثبات لپاره مټې رانغښتي او د وسله والو مخالیفینو په وړاندی به مو مبارزه روانه وي.
امنیه قوماندان څرگنده كړې، چې:
په سیمه کی د نوي کال لپاره امنیتي پلانونه جوړ شوي او د وسله والو مخلفينو د نويو تاکتیکونو د شنډولو لپاره پولیس په وسلو او مهماتو سمبال کړي.
په زابل کی چارواکی پداسې حال کی دعملیاتو له پیلیدلو خبر ورکوي، چی پدغه ولایت کی دهوا د گرموالي له كبله امنیتي پېښي زیاتې شوي دي.