سیمه ییز خبرونه
د زابل په لس ولسوالیو کی د ټاکنو د نومليكنې بهير بریالى روان دى
د زابل ولایت د امنه قوماندانۍ د امنیت امر سمونوال غلام جیلاني فراهی وایي:
په ټولو ولسوالیو کې د خلکو د ټاکنو په پروسه کی د گډون او کارتونو د ترلاسه کولو په موخه امنیتي ځواکونه ځاي په ځای شوي او تردي مهاله کومه ستونزه نده ليدل شوې.
نوموړي زیاتوی:
ملي پولیس د ملي امنیت او ملي اردو سرتېري د ټاکنو له مرکزونو په پوره ډول څارنه کوي.
د فراهي په وينا، هر څوك کولی شي په پوره ډاډ پرته له ستونزې د راتلونکيو ټاکنو لپاره د رایه ورکولو په موخه کارتونه واخلي.
د امنیت د امر د څرگندونو له مخي دا مهال په لسگونه کسان د ټاکنو کارتونه اخلي.
ښاغلي فراهی وایی:
د رایو ورکولو په پروسه کی به د خلکو گډون د تېري پروسي په نسبت زیات وي.
د نوموړي په خبره اوس خلک د رایو په ارزښت پوهیدلي او غواړي د خپلې خوښې وړ کاندیدانو ته رایه ورکړي.
د یادولو وړده، چی په تېره پروسه کی یو شمېر کسان د دولت د وسله والو مخالیفینو لخوا په دی تور ووهل شول، چی دوی په ټاکنو کی د رایه ورکولو کارتونه اخیستي او وروسته یی د کاندیدانو په وړاندی استعمال کړي ول. یو شمېر تر لاسه شوي رپوټونه وایي، چې د دی ولایت د ځينو ولسوالیو اوسیدونکي اوس هم په دې پروسه کی له گډون؛ ځکه ډډه کوي، چی لامل یی هم په تېره پروسه کی د وکیلانو دنه خدمت او د طالبالنو گواښونه په کوته کیږي.
زابل هغه غرني ولایت دی، چی د ځینو سیمو خلک یی اوس هم له دې پروسی سره پوره بلدیت نه لري.