د سوداگرۍ وزارت له ټرانزيټي لاسته راوړنو خبرې كوي

د هېواد د سوداگرۍ او صنايعو وزيرانوارالحق احدي وايي، چې:

له پاكستان سره د ټرانزيټي تړون  د عملي كېدو په اړوند يې د پام  وړ لاسته راوړنې درلودلي دي.

احدي وايي، چې:

د دغه تړون د عملي كېدو په اړوند  پاكستاني اړخ ورته پوره ډاډ وركړى، چې د هغه هېواد له قانوني پړاوونو به را وځي او د عمل جامه به اغوندي.

د افغانستان د سوداگرۍ وزيرانوارالحق احدي د شنبې(د وږي ۱۹) په ورځ په كابل كې يوې خبري غوڼدې ته وويل، چې:

پاكستان ته په وروستي سفر كې، د هغه هېواد د بهرنيو چارو وزيرې حنا رباني او د هغه هېواد د ماليې وزير د دواړو هېوادونو ترمنځ د ټرانزيټي تړون د عملي كېدو په اړه ډاډ وركړى.

د هغه په وينا:

آغلې ربانې ورته ويلي، چې:

ډېرژربه دغه تړون د تصويب لپاره د وزيرانو شورى او د لومړي وزيرتوشيح ته وړاندې شي.

د احدي په وينا، چې:

له دې وروسته به د افغان سوداگرو هغه (۵۰۰) كانټينره مالونه  افغانستان ته د تگ اجازه ترلاسه كړي، چې پاكستان له څه مودې راهيسې درولي دي.

هغه وويل، چې:

په بندرونو كې له پېنځلس ورځو ډېرد ترانزيتي مالونو د پاتې پرسر پخوانى جريمه هم د نوي تړون له مخې له منځه وړل شوې ده او دغه موده يوې مياشتې ته غزېدلې ده.

د سوداگرۍ او صنايعو خونې مرستيال خان جان الكوزي په دغه غونډه كې وويل، چې:

له پاكستان سره د شوي ترانزيټي تړون له مخې به  د افغانستان پر صادراتو هيڅ ډول بيمې او تضمين ته اړتيا نه وي.

د يادونې وړ ده، چې د افغانستان او پاكستان ترمنځ د لانجمن ترانزيټي تړون د عملي كېدو په اړه  له اوږدې مودې راهيسې د دواړو خواوو تر منځ خبرې روانې دي؛  خو دا، چې وروستۍ خبرې به څرگندې پايلې ولري، وخت به يې په ډاگه كړي