سیمه ییز خبرونه
د سولې عالي شورا د ولسمشر حامد كرزى له پټو خبرو بې خبري وښوده
په داسې حال كې، چې افغان دولت له وسلوالو مخالفينو سره د سولې د خبرو د همغږۍ او موثريت لپاره د سولې عالي شورا جوړه كړې؛ خو اوس لويديځو رسنيو د وسلوالو طالبانو او افغان ولسمشر له پټو خبرو پرده پورته كړې ده.
د افغانستان د سولې عالي شورا د نړيوالو اړيكو مسوول اسماعيل قاسميار پر دغو خبرو بې خبري وښوده.
د امريكا د بهرنيو چارو وزارت ويلي، چې يوازې د افغانانو په رهبرۍ په دغه هېواد كې د سولې هڅې بريالۍ كيداى شي.
د امريكا د بهرنيو چارو وزارت ويانده جنيفر ساكي وايي:
افغان ولسمشر حامد كرزي او بارك اوباما په خپلو كې ټينگار كړى، چې د افغانانو په رهبرۍ د سولې د بريا امكان زيات دى.
كارپوه سردار محمد رحيمي په دې باور دي، چې په افغانستان كې د سولې روانې هڅې له ناكامۍ سره مخ شوي او افغان ولسمشر حامد كرزى هڅې كوي، چې له وسلوالو طالبانو سره د خبرو له لارې پر راتلونكيو ټاكنو سيورى وغوړوي.
ويل كيږي له وسلوالو طالبانو سره د افغان ولسمشر له پټو خبرو وروسته د كابل واشنگتن اړيكي لاپسې سړې شوې دي.
ځينې په دې باور دي، چې افغان ولسمشر له وسلوالو طالبانو سره له خبرو وروسته پر امريكا تندې نيوكې پيل كړې دي.