Connect with us

تازه خبرونه

د سولې په خبرو کې ځنډ د تاوتریخوالي د زیاتېدو اندېښنې راپورته کړي

خپور شوی

د

(Last Updated On: لړم ۲۵, ۱۳۹۹)

په دوحه کې د خپلمنځي خبرو د پیلولو لپاره د اړیکو ډلو له یوې میاشتې راپدیخوا خبرې درولي دي.

په دوحه کې د خپلمنځي خبرو له پرانیست غونډې دوه میاشتې تېرې شوي او د اړیکو ډلو ناستې هم له ناڅرګند برخلیک سره مخ دي.

د خبرو له ناڅرګندتیا سره  سم په افغانستان کې جګړو شدت موندلی، چې د خلکو اندېښنې یې راپارولي دي.

په دوحه کې د حکومت مرکچي پلاوی ويلي؛ طالبان په جګړه او سیاست دواړو کې د بریا فکر کوي، چې له کبله یې خبرې اوږدې او ځنډنۍ شوې.

د حکومت د مرکچي پلاوي غړې فوزیه کوفي وایي: طالبان احساسوي، چې په یوه غوره موقعیت کې دي. طالبان فکر کوي، چې په پوځي او سیاسي لحاظ د ګټې په حال کې دي او فکر کوي، چې په ځواکمن موقیعیت کې دي او له همدې کبله خبرې اوږدې شوې دي.

د ولسي جرګې غړې زفنون ساپۍ څرګنده کړې، چې په قطر کې اسانچاري په خپلمنځي خبرو کې مهم رول لري؛ خو تر اوسه ندی توانیدلي، چې د تماس ډلو خبرو ته ور لویدلې غوټه پرانیزي.

د نوموړې د څرګندونو له مخې: له کابل څخه دوحې ته تللي پلاوي د ستونزې د حل لپاره څو وارې طالبانو ته بدیل وړاندیزونه کړي؛ خو طالبان ټينګار کړی، چې خبرې به د دوی او امریکا د هوکړې پر بنسټ پر مخ ځي.

دلته په افغانستان کې جګړې له پخوا ډېر زور اخیستی او له وسلوالو نښتو ورهخوا پر پوځي مرکزونو د موتر بم بریدونه هم ډېر شوي دي. هدفي وژنې او د ترور پېښې ډېرې شوي دي، چې طالبان یې مسوولیت نه مني.

د بشري حقونو خپلواک کمیسیون مرستیال نعیم نظري ويلي، چې روان تاوتریخوالی د منلو ندی او د سولې پر خبرو ناوړه اغېزه کوي.

ځينې نور بیا په دې باور دي، چې جوبایدن ښايي له نوي دریځ څخه د افغانستان د جګړې او سولې ډګر ته را ودانګي.

دونالد ترمپ، چې له سپینې ماڼۍ په وتو دی، بیا په پنتاګون کې پدې راڅرخي، چې خپل ټول سرتېري ورستانه کړي. هغه دفاع وزیر مارک سپير له همدې کبله له دندې ګوښه کړ، چې له افغانستان څخه د سرتېرو د ورستنولو له پرېکړې سره یې مخالف کاوه.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!