سیمه ییز خبرونه
د سيمين باركزۍ دوه استازي دې د نوموړې دوسيه له سره وڅېړي- حامد كرزى
افغان ولسمشر حامد كرزي غوښتي، چې:
سيمين باركړۍ دې خپل دوه استازې معرفي كړي، چې د نوموړې دوسيه له سره وڅېړي.
د تغيير و اميد ائتلاف په داسې حال كې، چې د سيمين باركزۍ د اعتصاب ستاينه كوي وايي، چې:
كه ټاكنيزو بنسټونو او افغان دولت خپله دنده په سمه توگه تر سره كړې واى؛ نو هيڅ كله به داسې ستونزې ورته نه وې را منځته شوې.
بل خوا د افغانستان د عالمانو سراسري شورا په خپله تازه فتوا كې هر ډول غدايي اعتصاب حرام بللى او زياته كړې يې ده:
هرڅوك، چې په ورته كار لاس پورې كوي په دې معنا ده، چې د اسلام د دين خلاف عمل تر سره كوي.
ولسي جرگې د چهارشنبې(د تلې ۲۰) عمومي غونډه په پاشلې اجنډا او بېلابېلو بحثونو پيل كړه.
د ولسي جرگې يو شمېرغړيو د غونډې په پيل كې د سيمين باركزۍ د غذايي اعتصاب د پاى ته رسولو لپاره د حل لارو چارو د پيدا كيدو غوښتنه وكړه .
په پارلماني چارو كې د دولت وزير همايون عزيزي وايي:
افغان ولسمشر د ولسي جرگې له رييس عبدالروف ابراهيمي څخه په ټيليفوني اړيكه كې وغوښتل، چې سيمين باركزۍ دې خپل دوه استازي معرفي كړي، چې د نوموړې دوسيه له سره وڅېړي.
په غوڼده كې ناندرې او گډوډ بحثونه د دې لامل شول، چې په ولسي جرگه كې ښځينه استازې د څو شيـبو لپاره د سيمين باركزۍ په ملاتړ له غونډې ووځي.
له قانون څخه د ملاتړ ائتلاف وياند اسد الله سعادتي په دې اړه د ټاكنو پرخپلواك كميسيون نيوكې وكړې او د ټاكنو د خپلواك كميسيون د رييس فضل احمد معنوي د محكمه كيدو غوښتنه يې وكړه.
د ولسي جرگې غړې شكريه باركزۍ وايي:
له قانون څخه ملاتړ ائتلاف د سيمين باركزۍ غوښتنې ته بله بڼه وركوي.
د ولسي جرگې غړې فاطمه نظري وايي، چې:
د سيمين باركزۍ موضوع بايد ځانگړې سياسي بڼه خپله نه كړي.
په پاى كې د ولسي جرگې رييس عبدالروف ابراهيمي د رايو په اكثريت پرېكړه وكړه، چې له سيمين باركزۍ څخه د ليدنې په موخه د نوموړې خيمې ته ولاړشي.
د ميرمن باركزۍ غذايي اعتصاب د دې لامل شوى، چې شپږ تنه نورهم له نوموړې د ملاتړ په توگه پرغذايي اعتصاب لاس پورې كړي.
كه څه هم نوي پارلمان يو كال وړاندې په كارپيل كړى، خو په ولسي جرگه كې د خپلمنځيو ستونزو او كړكېچونو پر لامل دغه جرگه نه ده توانيدلې، چې خپلې اساسي دندې، چې د دولت له كړنو څارنه، قانون جوړونه، د خلكو د ستونزو حل او له هغو څخه استازيتوب دى؛ تر سره كړي.
سیمه ییز خبرونه
سعودي عربستان به په پاکستان کې پر بېلابېلو پروژو پانګونه وکړي
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
سیمه ییز خبرونه
په کندهار کې د میانکو بند له اوبو ډک شو
د کندهار ښار د دولسمي حوزې اړوند په میانکو سیمه کې وروستیو بارانونو د میانکو بند له اوبو ډک کړی دی.
د کندهار ولایت مقام رسنیز مرکز زیاته کړې؛ د میانکو اوبو بند څه وخت مخکې د یواینډيپي موسسې پر مالي لګښت جوړ او ګټي اخیستني ته وسپارل شو.
د سرچینې د څرګندونو له مخې، وروستیو بارانونو دا بند له اوبو ډک کړ او هم یې زرګونو کورنیو ته د سیلابي اوبو د ورتلو مخه نیولې ده.
ویل کیږي، چې دغه بند یونیم میلیون متره مکعب اوبه ذخیره کوي او نه یوازې یې د کندهار د شپږو ناحیو ۱۲ زره کورنۍ له سیلابي اوبو څخه ژغورلي، بلکې تر ځمکې لاندي اوبو کچه ورسره لوړه شوې او هم یې هېوادوالو ته د دمې او نندارې ښه زمینه برابره کړې ده.
سیمه ییز خبرونه
پر ایران به د اسرائیلو برید له سخت ځواب سره مخ شي
د ایران اسلامي انقلاب د سپاه پاسداران عمومي قومندان اسرائیلو ته خبرداری ورکړ، چې که د ایران د غچ اخیستونکیو عملیاتو ځواب ورکړ شي؛ نو د تهران غبرګون به نور هم سخت وي.
د ایران د سپاه پاسداران سرلښکري حسین سلامي د یکشنبې پر ورځ ( د وري شپږویشتمه ) ویلي: دا رژیم باید خپل پخوانی چلند ودروي او له دې برید څخه دې عبرت واخلي. که یاد رژیم کوم غبرګون وښيي؛ نو یقینا زموږ غبرګون به د دې نوې تجربې پر بنسټ، چې مونږ د دوی له وړتیاوو څخه ترلاسه کړي، ډېر سخت وي.
نوموړي وایي: له دې وروسته که دا رژیم زمونږ پر ګټو، شتمنیو، شخصیتونو او هېوادوالو هر ډول برید وکړي؛ د ایران اسلامی جمهوریت له دننه څخه به له ځوابي بریدونو سره مخ شي.
د شنبې پر شپه ناوخته په سوریه کې د ایران پر ډیپلوماټیک ماموریت د برید په ځواب کې ایران پر اسرائیلو د ډرون او توغنديو پراخ بریدونه پیل کړل.
د یکشنبې پر سهار د ایران د پوځ ستر درستیز تورن جنرال محمد باقري څرګنده کړې: دوی پر اسرائیلو خپل غچ اخیستونکي بریدونه پای ته رسولي او خبرداری یې هم ورکړ، چې که اسرائیل ځواب ورکړي؛ نو له “پراخ ” غبرګون سره به مخ شي.
باقري د یکشنبې پر سهار ویلي: زمونږعملیات پای ته رسیدلي؛ خو وسلهوال ځواکونه چمتو دي او د اړتیا په صورت کې به عمل کوي.
-
لوبی2 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
تازه خبرونه2 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ22 hours ago
امريکا او متحدین یې پر ايران د نورو بنديزونو لګولو هڅې کوي