تازه خبرونه
د شاهوعروس بند د اوبو پروژه لاسلیک شوه؛ د کابل ۵۰ زره کورنۍ له پاکو اوبو برخمنېږي
د شاهوعروس بند د اوبو پروژه لاسلیک شوه؛ د کابل ۵۰ زره کورنۍ له پاکو اوبو برخمنېږي
نن ددوشنبه( د لړم څلورمه) په کابل کې د شاهوعروس له بند څخه د دې ښار د اووهلسمې ناحیې اوسېدونکو ته د څښاک د پاکو اوبو د لېږد پروژې د تړون لاسلیک مراسم ترسره شول.
د امارتي شرکتونو عمومي ریاست ویاند محمد نبي بهار ويلي، د دې پروژې چارې به د یوه میلیارډ افغانیو پر لګښت په درې کلونو کې بشپړې شي او شاوخوا ۵۰ زره کورنۍ به ترې د څښاک پاکو اوبو ته لاسرسی ومومي.
د اړوند څرګندونو له مخې؛ دا پروژه به په هره ثانیه کې ۲۰۰ لیټره اوبه برابرې کړي، چې ۱۰۰ لیټره به یې د سطحې له اوبو او ۱۰۰ لیټره به یې له پېنځه ژورو څاګانو څخه ترلاسه کېږي.