سیمه ییز خبرونه
د عامې روغتيا وزارت شاوخوا ۲۶ زره كاركوونكيو ته د تور زيړي واكسين كيږي
د عامې روغتيا وزارت غواړي خپلو شاوخوا ۲۶ زره كاركوونكيو ته د تور زيړي واكسين وكړي.
د عامې روغتيا د وزارت د تخنيكي برخې يوه چارواكې داكتره رقيه ناصر وايي، روغتيايي كاركوونكي له خلكو سره په مستقيم تماس كې دي او د طبي وسايلو او عملياتو له لارې كيداى شي دا ناروغي نورو كسانو ته وليږدول شي.
د دې په وينا، دا ناروغي درملنه نه لري، خو د وقايې وړ ده.
د عامې روغتيا وزارت چارواكي وايي:
د دې روغتيايي پلان لگښت شاوخوا اووه نيم ميليون افغانۍ اټكل شوى، چې د وزارت له پراختيايي بوديجي برابريږي.
د دوى د څرگندونو له مخې، د لومړي پړاو له تطبيق وروسته به عامو خلكو ته هم د تور زيړي د واكسين پروگرام پيل شي.
داكټران وايي، چې تور زيړى د ځيگر د سرطان يوه خطرناكه ناروغي ده، چي د انسان د مړيني سبب گرځي.
پر دې ناروغي د اخته كيدو نښې د معدې درد، درې ورځنى اسهال، قبضيت، د زړه بدوالى، د هډوكو درد، په جلد دانې او د نوكانو زيړوالى دى.