روغتيا
د عامې روغتیا چارسمبالی سویس ته په خپل سفر کې د روغتیا نړیوالې ټولنې له رییس سره وکتل
د افغانستان عامې روغتیا وزارت د شنبې پر ورځ په یوه خبرپاڼه کې څرګنده کړې، چې جلال جلالي په روغتیایي برخه کې پر پرمختګونو، اصلاحاتو، له نړیوالو بنسټونو سره همغږۍ او خبرو لپاره سویس ته تللی دی.
د عامې روغتیا وزارت سرپرست نور جلال جلالي سویس ته په خپل سفر کې د روغتیا نړیوالې ټولنې له رییس ټډروس اډهانوم سره وکتل.
د افغانستان عامې روغتیا وزارت د شنبې پر ورځ په یوه خبرپاڼه کې څرګنده کړې، چې جلال جلالي په روغتیایي برخه کې پر پرمختګونو، اصلاحاتو، له نړیوالو بنسټونو سره همغږۍ او خبرو لپاره سویس ته تللی دی.
د عامې روغتیا وزارت چارسمبالي د روغتیا نړیوالې ټولنې له رییس سره پر خبرو سربېره له نړیوالو ټولنو سره هم په بېلابېلو ناستو کې د ساري ناروغیو پر څارنه، روغتیایي خدماتو معیاري کولو، د پولیو له منځه وړلو، چارو ښه کولو، روڼتیا او نورو اړینو موضوعاتو خبرې کړې دي.
په خبرپاڼه کې راغلي، چې د نړیوالو ټولنو مسوولینو د روغتیا په برخه کې د همکاریو په اړه پخپلو ژمنو ټینګار کړی او په دې اړه یې د مرستو ژمنه وکړه.