سیمه ییز خبرونه
د غر ښويدنې پر لامل د كابل– ننگرهار لويه لار و تړل شوه
Last Updated on: لړم ۳, ۱۴۰۱
د درنټې په سيمه كې د غر ښويدنې پر لامل د كابل – ننگرهار لويه لار د ترافيكو په مخ تړل شوې ده.
د ننگرهار والي وياند احمد ضياء عبدالزى وايي:
د شنبې په ماښام(د وري۳) د درنټې په سيمه كې د ورښتونو پر لامل د غره يوه برخه د كابل– ننگرهار لويې لار ته راښوييدلې او دا سړك يې د موټرو د تگ راتگ په مخ تړلى دى.
د نوموړي په وينا، په دې پېښه كې چا ته زيان نه دى اوښتى.
عبدالزى وايي:
سیمې ته د ټولگټو ریاست مامورین او نورې مرستندویه ډلې استول شوي او هڅّه کوي، چې یاده لار بېرته د ترافیکو په مخ پرانیستل شي.
د يادونې وړده، چې دوه اوونۍ وړاندې هم د دې سيمې د غر ښويدنې په پېښه كې دغه لويه لار درې ورځې د ترافيكو په مخ تړل شوې وه.