سیمه ییز خبرونه
د غزني چارواكي د طالبانو له خوا د عشر او زكات په ټولولو اندېښمن شول
Last Updated on: لړم ۳, ۱۴۰۱
د غزني چارواكي په خلكو كې د طالبانو په نفوذ او د دوكانو له خاوندانو څخه د عشر او زكات په ټولولو انديښنه ښيي.
د غزني مرستيال والي محمد علي احمدي وايي:
د دولت له كمزورتيا څخه په گټه اخيستنه، طالبانو په خلكو او حتا حكومتي بنسټونو كې نفوذ كړى دى.
هغه زياتوي:
داسې معلومات ترلاسه شوي، چې په تېره روژه كې طالبانو د غزني له دوكاندارانو زكات اخيستى دى.
د نوموړي په وينا، د امنيتي بنسټونو نه همغږي د طالبانو د فعاليتونو لامل دى.
هغه وايي:
طالبان په زور خپلې غوښتنې پر خلكو مني او خلك له وېرې اړ دي، چې غوښتنې يې ومني .
د غزني دكاندارانو، چې طالبانو ته يې زكات وركړى؛ په ښكاره د طالبانو له وېرې يې په دې اړه له څه ويلو ډډه وكړه.
د چارواكو په وينا، طالبان د غزني ښار په څنډو كې له هټيوالو زكات او عشر اخلي او په زور له خلكو د خپلې جگړې لگښتونه ترلاسه كوي.