تازه خبرونه
د فارياب امنيتي ځواكونو د يوه ستر ځانمرگي بريد مخنيوى وكړ
امنيتي ځواكونو هغه سراچه موټر كشف او شنډ كړ، چې په كې شاوخوا ۵۰۰ كيلو گرام چاوديدونكي توكي ځاى په ځاى شوي ول.
د فارياب امنيه قوماندان جنرال نبی جان ملا خېل وايي، په موتر كې ځاى په ځاى شوي مواد شاوخوا ۵۰۰ كيلو ګرامو ته رسېدل. دا موټر بم كه چاودلى واى، ستر مالي او ځاني تلفات به يي اړولي واى.
سید لقمان گهریک د شیرین تگاب ولسوال وايي:
كوم كس، چې دا موټر بم تنظيم كړى و، په تېښته بريالى شوى دى.
د شرين تگاب ولسوالۍ يو شمېر اوسيدونكي د افغان ځواكونو دا اقدام ستايي او وايي، دا ځواكونه بايد وستايل شي.
نوموړي په ډاگه كړې، چې تر اوسه په فارياب كې د ځانمرگي بريد لپاره د دومره موادو برابرول مخينه نه لري.
د فارياب اوسيدونكي وايي، د ټاكنو په را نږدې كيدو به ښايي ترهگريز بريدونه زيات شي.
تازه خبرونه
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
د افغانستان په اړه د نړیوال بانک د نوي راپور له مخې؛ په دغه هېواد کې د کوکنارو پر کښت له بندیز سره کروندګرو یو اعشاریه ۳ میلیارډ ډالر عاید له لاسه ورکړي، چې د ناخالصو تولیداتو نږدې ۸ سلنه جوړوي.
دغه بنسټ ویلي، چې په تېرو دوه کلونو کې د افغانستان ناخالص کورنی تولید ۲۶ سلنه کم شوی، چې ورسره د دغه هېواد اقتصادي راتلونکې ناڅرګند شوی دی.
په راپور کې راغلي، چې په خصوصي سکټور کې جوړښتي نیمګړتیاوو او د نړیوالو مرستو کموالي په افغانستان کې د اقتصادي پرمختګ مخه نیولې ده.
نړیوال بانک ویلي، چې د افغانستان نیمايي نفوس په بېوزلۍ کې ژوند کوي او ۱۵ میلیون وګړي د خوړو له نه خوندیتوب سره مخ دي.
د نړیوال بانک د افغانستان څانګې مشرې میلنډا ګوډ ویلي؛ د یوه باثباته راتلونکي افغانستان لپاره باید پر جنسیتي ناوړه پالیسۍ، په روغتیایي او تعلیمي برخو کې پانګونې او د کرنې او کانونو په سکټورونو کې د فرصتونو رامنځته کولو راوڅرخیږي.
نړیوال بانک وایي؛ د افغانستان د سوداګرۍ د کسر زیاتوالی د دغه هېواد د اقتصاد لپاره بله ننګونه ده. د دغه بانک د راپور له مخې؛ په ۲۰۲۳ کال کې د افغانستان واردات ۲۳ سلنه یا ۷ اعشاریه ۸ میلیارډ ډالرو ته رسېدلي دي.
تازه خبرونه
اسلامي امارت د اسلامي همکاریو ټولنې په غونډه کې د خپل پلاوي له ګډون خبر ورکړ
د بهرنیو چارو وزارت نن یکشنبه د غویي شپالسمه څرګنده کړې، چې د اسلامي امارت یوه پلاوي د ګمبیا هېواد د پلازمېنې بانجول پر کوربتوب د اسلامي همکاریو ټولنې په نننۍ ناسته کې ګډون کړی دی.
د اسلامي هېوادونو د همکاریو ټولنې د مشرانو پېنځلسمه دوه ورځنۍ غونډه پرون (شنبه د غویی پېنځلسمه) پیل شوې ده.
د بهرنیو چارو وزارت څرګنده کړې، چې د اسلامي همکاریو ټولنې په غونډه کې د دې وزارت د نړیوالو ټولنو د څانګې ویاند او رییس د اسلامي امارت پر استازیتوب ګډون کړی دی.
د بهرنیو چارو وزارت په خبرپاڼه کې راغلي، چې د اسلامي امارت پلاوی به په عمومي غونډه کې د ګډون ترڅنګ د اسلامي همکاریو ټولنې له لوړ پوړیو چارواکو او د دې ټولنې د غړیو هېوادونو له استازو سره هم وګوري او په بېلابېلو موضوعاتو به ورسره خبرې وکړي.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی4 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی5 days ago
خراسان فاریاب میوند لوبډلې ته ۳ـ۱ ماته ورکړه
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا