سیمه ییز خبرونه
د فارياب په پښتونكوټ كې تدبير نومي پيل شوي عمليات پاى ته ورسيدل
د شاهين قول اردو د لومړۍ لوا قوماندان جنرال شرين شاه کوهبندی وايي، چې د فارياب په پښتونكوټ ولسوالۍ كې تدبير نمي چاڼيز عمليات په بريا سره پاى ته ورسيدل.
جنرال کوهبندی وايي:
د دغو عملياتو په ترڅ كې وسلوالو ته درنده مرگ و ژوبله اړول شوې او دولس كلي د وسلوالو طالبانو له شتون څخه پاك شوي او د سرحدي پوليسو پېنځه پوستې په سيمه كې ځاى په ځاى شوې.
وسلوالو طالـبان په دغو عملياتو كې خپلو ملگرو ته اوښتې مرگ و ژوبله ردوي او ادعا كوي، چې د افغان ځواكونو دوه ټانگونه او يو رينجر يې په ماينونو الوځولي او افغان ځواكونو ته هم مرگ و ژوبله اوښتې ده.
جنرال شرين شاه کوهبندی دا ادعاوې ردوي.
جنرال كوهبندي له وسلوالو او د هغو له ملاتړو غواړي، چې له جگړې لاس واخلي؛ خو تر څنگ يې خبردارى وركوي، چې د ټاكنو امنيت د دوى دنده ده او د دغه بهير د امنيت لپاره له ټول توان څخه كار اخلي.
د سيمې خلك له دې كبله، چې ژوند يې له گواښ سره مخ نه شي له مركو ډډه كوي؛ خو داسې ښكاري، چې په سيمو كې د عملياتو له تر سره كيدو خوښ نه دي. له دې وړاندې يو شمېر كارپوهانو ويلي ول، چې د ټاكنو په را نږدې كيدو به په هېواد كې ناامنۍ ډېرې شي؛ خوامنيتي چارواكي وايي، چې د امنيت د ټينگولو لپاره به عمليات روان و ساتل شي.