سیمه ییز خبرونه
د كابل په شهر نو سيمه كې د ماشومانو او زلميانو تفريحي پارك پرانيستل شو
Last Updated on: لړم ۳, ۱۴۰۱
كه څه هم په كابل كې د تفريح لپاره شنه او زرغون ځايونه او پاركونه په نشت شمار دى؛ خو كابل ښاروالي هڅه كوي دا تشه ډكه كړي.
كابل ښاروال محمد يونس نو انديش وايي، د كابل د شهر نو سيمې د دغه نوي پارك له پرانيستنې سره د لوبو او تفريح لپاره په دغه ښار كې د جوړو شويو پاركونو شمېر شپږ ويشت ته ورسيد.
د نوموړي په وينا، دغه پارك د تركيې لخوا په ۱۹۰ زره امريكايي دالرو جوړ شوى دى.
پارك ته راغلي ماشومان د دې پارك په جوړيدو خوښ دي او وايي، چې د تفريح لپاره بايد دې ته ورته نور پاركونه په كابل ښار كې جوړ شي.
پلازمېنه كابل، چې له پېنځه ميليون څخه زيات وگړي په كې اوسيږي، چاپېريال يې د اندېښنې وړ بلل كيږي او اوسيدونكي يې اړ دي، چې د تفريح لپاره له كابله ووځي.