سیمه ییز خبرونه
د كابل ښار د پېنځلسمې ناحيې د كوڅو پخولو چارې پيل شوې
كابل ښاروالي وايي، تر راتلونكيو شپږ مياشتو به د كابل ښار د پېنځلسمې ناحيې د نږدو نويو كوڅو د پخولو چارې بشپړې شي.
دا پروژه د جايكا موسسې او د خلكو په ونډه بشپړيږي.
كابل ښاروال محمد يونس نو انديش د سې شنبې په ورځ(د غويى۱۷) د خيرخانې مېنې په ۱۵ ناحيه كې د ۸۸ كوڅو د كانكريتولو چارې پرانيستې.
كابل ښاروال وايي، چې:
په دې كار به ۳ اعشاريه ۶۴ ميليون دالره ولگول شي، چې ۴۲ سلنه يې د سيمې اوسيدونكي او نور د جايكا موسسې له خوا وركول كيږي.
د كابل ښاروال زياتوي، دا لړۍ تېركال د كابل په څو نورو ناحيو كې بشپړې شوي، چې د خلكو ستونزې تر ډېره له منځه تللې دي.
نوموړى دغه راز وايي، چې د كابل ښار په ۲۳ ناحيو كې د كاناليزاسيون د تنظيم په موخه يو پلان په پام كې دى، چې په عملي كيدو به يې د ښاريانو گڼې ستونزې حل شي.
د كابل ښاروالۍ دغه راز ژمنه كوي، چې د كابل د چهارقلعه، چهاردهي او چهلستون سړكونو د جوړولو چارې به تر راتلونكيو لس مياشتو بشپړې شي.
د يادونې وړ ده، چې پر كابل ښاروالۍ د ژمنو د نه عملي كولو له كبله تل نيوكې موجودې دي.