سیمه ییز خبرونه
د كابل ښار ځينې هوټلونه د ماليې وزارت پوروړي دي
د افغانستان ماليې وزارت وايي:
د كابل ښار ځينې هوټلونه د ماليې له وركولو ډډه كوي.
د دې وزارت د مسولينو په وينا، ډېر دا ډول هوتلونه د زورواكو دي.
د ماليې وزارت وياند وحيد الله توحيدي وايي:
د زورواكو هغه هوټلونه او رستورانتونه به وتړل شي، چې ماليه نه وركوي.
د مالييې وزارت د منځنيو ماليه وركوونكيو رييس سبحان الله فهيمي وايي:
شام پاريس، قصر پاريس، روشن، ماركوپولو، ممتاز محل او بكيچو هوټلونو او رستورانتونو په ترتيب له درې تر پېنځو كلونو را پديخوا ماليې نه دي وركړي.
ومو غوښتل د ماليه نه وركوونكيو هوټلونو او رستورانتونو د مسوولينو نظر هم واخلو، خو له يوه هوټل پرته د نورو مسوولين خبرو ته حاضر نه شول. په دې ډله كې د دوه هوټلونو مسوولينو خبريالانو ته آن د ننوتو اجازه ورنكړه.
د ماليې وزارت د بېلابېلو هغو بنسټونو مونونه افشا كړي، چې ماليه نه وركوي، خو دا لومړى ځل دى ، چې دا وزارت د ځينو هوټلونو له خوا د ماليې د نه وركولو په دليل شكايت كوي.