سیمه ییز خبرونه
د لغمان د مرکز مهترلام په چاڼیزو عملیاتو کې ۳۰ تنو ته مرگ و ژوبله اوښتې
د لغمان ولايت چارواكي وايي:
د افغان گډو امنیتي ځواکونو له خوا د لغمان د مرکز مهترلام په پيل شویو چاڼیزو عملیاتو کې اته وسله وال مخالفین وژل شوي او اتلس نورټپیان دي. په دې عملیاتو کې گڼ شمېر وسلې او مهمات هم د امنیتي ځواکونو لاس ته ورغلي.
وسله والو طالبانو تر اوسه په دې اړه څه نه دي ویلي.
د لغمان والي ویاند سرحدي ځواک څرگنده كړې، چې:
افغان گډو امنیتي ځواکونو له تېرو پېنځه ورځو راهیسې د لغمان د مرکز مهترلام ښار اړوند ځینو سیمو کې چاڼیزعملیات پیل کړي، چې تراوسه په کې د ابوزئيو، هرمل، کټل، میداني، شهید بابا، نوره، سید کلا، اغا کلی، بصرام او بدي آباد سیمې د وسلوالو طالبانو له شتون څخه پاکې شوي او د څو تنو مهم طالب كوماندانانو په گډون اته تنه وژل شوي او اتلس نورټپیان دي. د دغو د عملیاتو پرمهال یو شمېر وسلې، مهمات، چاودیدونکي توکي اومخدره مواد هم د امنیتي ځواکونو لاس ته ورغلي دي.
ځواک په ډاگه كوي، چې:
په ځینو سیمو کې وسله والو مقاومت کړی، چې له كبله یې د دوی دوه سرتېري هم وژل شوي او درې نور ټپیان شوي دي. عملیات به ترهغې روان وي، چې د مهترلام ښار اړوند ټولې سیمې له وسلوالومخالفینو پاکې شوې نه وي.
د نومكوړي په وينا:
تراوسه په دغه عملیاتو کې ولسي خلکو ته کوم زیان نه دی اوښتی.
وسله والو طالبانو تر اوسه د دې عملیاتو په اړه رسنیو ته څه نه دی ویلي، خو د کورنیو چارو وزارت هغه اعلامیه یې رد کړه، چې په کې راغلي:
افغان ځواكونو د لغمان ولایت په چاڼيزو عملیاتو کې یو شمېر وسلوالو ته مرگ و ژوبله لړولې.
د سیمې یو شمېرځايي استوگن د دغو چاڼیزو عملیاتو له ترسره کیدو خوښ دي، خو نیوکه کوي، چې امنیتي ځواکونه د اصلي مجرمینو په ځای نوروگړي ځوروي.
چارواکي بیا دا ادعاوې بې بنسټه بولي او وايي:
دغه عملیات د امنیتي حالت د ښوالي په موخه پیل کړي.
د یادونې وړده، چې په دې وروسیتو کې د لغمان ولایت امنیتي حالت تربل هروخت ډېرخراب شوی دی.
د دغه ولایت د ولسوالیو ډېرې سیمې د وسلوالومخالفينو په واک کې دي او د مرکز په مهترلام ښار کې په رنآ ورځ ډلې ډلې وسلوال مخالیفن گرځي او پر دولت پلوه خلکو بریدونه کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه2 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه2 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري2 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ1 day ago
د غزې په جګړه کې مو د مصر او قطر د اوربند وړاندیز منلی – حماس