د لوگر د مس عينك كان د كيندنې تړون له بشپړ رڼښت بې برخې دى

د گلوبل ويتنس په نامه نړيوال بنسټ وايي، چې:

د لوگر د مس عينك كان په تړون كې له نه رڼښت سره سره يو لړنيمگړتياوې شته، چې كه په وخت ورته لارې چارې ونه موندل شي؛ په راتلونكې كې به د ستونزو لامل شي.

د دغه بنسټ چارواكي، چې د دغه كان چارې يې له نږدې څارلې وايي:

په دې اړه لاسليك شوى تړون خپورشوى نه دى او مدنې ټولنه او خلك يې په اړه بې خبري دي.

د كانونو وزارت وايي، چې:

د كانونو يو شمېر تړونونه يې خپاره كړي او د مس عينك تړون به هم ژر خپورشي.

گلوبل ويتنس، چې په لندن كې يوه نادولتي څارونكې موسسه ده او د طبيعي زيرمو او ورسره له تړليو موضوعاتو څېړنه كوي وايي، چې:

د مس عينك كان د افغانستان لپاره لويه مالي سرچينه ده؛ خو په تړون كې يې يو لړنيمگړتياوې موجودې دي، چې بايد ورته پاملرنه وشي.

په افغا نستان كي د گلوبل ويتنس موسسې مسوول كيون وايي، چې:

كه څه هم دا د افغان حكومت لپاره لومړنى او تر ټولو لوى قرداد و، چي تر سره شوى؛ ښايي د رڼښت په برخه كي يې ځينې نيمگړتيا وي مو جودي وي، چې افغا ن دولت يي بايد له منځه يوسي.

كيون زياته كړې، چې:

له ۲۰۱۶ز. كال وروسته دغه كان د افغانستان لپاره يوه لويه مالي سرچينه ده او هركال به له دې لارې ۵۴۱ ميليون ډالرعوايد ترلاسه كوي او پېنځه زره كسانو ته به په كې  د كار زمينه برابره شي.

د افغا نستان د كانونو وزارت د پاليسۍ سلا كاره غزال حبيب يار وايي:

يو لړ هغه ستونزې، چې په دې رپوټ كې ورته يادونه شوې؛ ترډېره بريده حل شوي او دغه وزارت تر اوسه ۲۰۰ شوي تړونونه خپاره كړي او د دې تړون د جزئياتو د خپرولوهڅې هم دوام لري.

د يادونې وړ ده، چې د لوگر د مس عينك كان د استخراج چارې د ۲۰۰۸ز. كال د مى په مياشت كي يوې چينايي كمپنۍ ته سپارل شوې دي.