سیمه ییز خبرونه
د ماليې وزارت دهېواد له امريكايي يوهنتون سره د اوږدمهاله همكاريو هوكړه لاسليك كړه
افغان حكومت د ماسټرۍ او دكتورا په كچه د دولتي كاركوونكيو د زده كړو د كچې لوړولو لپاره د كال ۱۵ ميليون دالر ځانگړې كړي دي.
د ماليې وزارت د افغانستان له امريكايي يوهنتون سره د اوږدمهاله همكاريو هوكړه ليك لاسليك كړ، چې له مخې به يي د دې وزارت كاركوونكيو ته د زده كړو پروگرام پيليږي او په تخصصي پروگرامونو او څېړنيزو وركشاپونو كې به تر زده كړو لاندې راځي.
د ماليې وزير عمرزاخېلوال وايي، د دې هوكړه ليك له مخې د ماليې وزارت كاركوونكي كولى شي، خپلې زده كړې د ماسټرۍ تر كچې او له دې هم لوړې په دې پوهنتون كې تر سره كړي.
همدا راز د افغانستان امريكايي پوهنتون محصلان كولى شي د ستاژ دوره په ماليې وزارت كې بشپړه كړي.
د نوموړي په وينا:
افغان حكومت هڅه كوي، چې د خپلو ټولو رسمي كاركوونكيو د زده كړو كچه له كورنيو عوايدو څخه پراخه كړي.
د هغه په خبره هغه مهال يو حكومت كولى شي بريالى وي، چې كاركوونكي يي د ماسټرۍ او ليسانس تر كچې زده كړې ولري.
په تېرو لس كلونو كې افغان حكومت په ځانگړي توگه د لوړو زده كړو وزارت هڅه كوي، چې يو شمېر افغان ځوانان د زده كړو د دوام لپاره بهر ته وليږي.