تازه خبرونه
د متحده عربي اماراتو له بندخونو يوشمېر افغان بندیان خوشې شول
د افغانستان بهرنيو چارو وزارت د خپرې شوې خبرپاڼې له مخې؛ د متحده عربي اماراتو د دولت مشرتابه د دغه هېواد د ملي ورځې په مناسبت شاوخوا ۱۰۸ تنه افغان بندیان له بندخونو خوشې کړل.
د خبرپاڼې له مخې؛ ځيني خوشې شوي افغانان هېواد ته راستانه شول او د پاتې کسانو د راستنېدا بهير به د اړوند قانوني پروسو له بشپړېدا وروسته په نږدې راتلونکې کې بشپړ شي.
د بهرنيو چارو وزارت د متحده عربي اماراتو د دولت او اړوند ادارو له همکارۍ او بشردوستانه هڅو څخه د مننې ترڅنګ ډاډ ورکوي، چې په بهر کې به د افغان بندیانو د قضيو د څېړلو لپاره خپلې هڅې روانې ساتي.