سیمه ییز خبرونه
د مخابراتو او معلوماتي تكنالوژۍ وزارت په عوايدو كې ۱۵ سلنه زياتوالى راغلى
Last Updated on: لړم ۳, ۱۴۰۱
د مخابراتو او معلوماتي تكنالوژۍ وزارت مسوولين وايي
د پوستي خدمتونو له اړخه د روان كال په ۶ مياشتو كې د تېر كال د ورته مودې په تناسب مو عوايد ۱۵په سلو كې زيات شوي دي.
د مخابراتو او معلوماتي تكنالوژي وزارت مالي او اداري مرستيال وهاب الدين سادات وايي:
د تېر كال په شپږ مياشتو كي مو عوايد ۶۷ ميليون افغانۍ و؛ خو د سږ كال په شپږ مياشتو كې ۷۷ميليون افغانيو ته رسيدلى دى.
ښاغلى وهاب الدين سادات وايي:
له دې وروسته به پستي خدمتونه له افغانستان څخه د تركيې له لارې اروپا او امريكا ته تر سره شي. په داسې حال كې، چې مخكې دا خدمات د پاكستان له لارې تر سره كيدل.
د مخابراتو او معلوماتي تكنالوژۍ د وزارت د معلوماتو له مخې همدا اوس په ټول افغانستان كې ۴۳۶ پسته خانې فعالې دي.
د چارواكو په خبره هڅه يي دا ده، چې د دغو پسته خانو په شمېر كې زياتوالى راشي.