سیمه ییز خبرونه
د مرغومې په ۲۵ نېټه به د ټاكنو خپلواك كميسيون ته د امنيتي تدابيرو ليست وسپارل شي
د ټاكنو خپلواك كميسيون وايي، چې د مرغومي پنځه ويشتمه نېټه د امنيتي بنسټونو لپاره وروستۍ نېټه ده تر څو د امنيتي تدابيرو وروستى ليست دغه كميسيون ته وسپاري، د ټاكنو د خپلواك كميسيون وياند د رايې وركولو د اووه زرو مركزونو د امنيتي تدابيرو فهرست ځنډ خواشينونكۍ بولي.
څومره، چې د ولسمشرۍ او ولايتي شوراګانو ټاكنو ته نږدې كېږو همدومره د دغو ټاكنو د امنيت د څرنګوالي په باب اندېښنې زياتېږي.
ټاكنو ته شاوخوا درې مياشتې پاته دي، خو د امنيت په باب اندېښنې ورځ تر بلې زياتېږي، د ټاكنو خپلواك كميسيون شاوخوا ديارلس مياشتې وړاندې د رايې وركولو د اووه زرو مركزنو ليست امنيتي بنسټونو سره شريك كړى وو تر څو امنيتي تدابير ورته ونيول شي، په پام كې وه امنيتي بنسټونه د مرغومې تر پنځلسمې نېټي پورې په دې باب د ټاكنو كميسيون ته ډاډ وركړي، خو په ټاكلې نېټه ورته كار تر سره نه شو.
په پام كې ده امنيتي بنسټونه د مرغومې تر پنځه ويشتمې نېټې پورې د رايې وركولو د اووه زرو مركزونو د امنيتي تدابيرو ليست د ټاكنو له كميسيون سره شريك كړي.
په همدې حال كې د ټاكنو د كميسيون ویاند نور محمد نور دغه نېټه د امنيتي بنسټونو لپاره وروستى نېټه يادوي.
بل خوا د كورنيو چارو وزارت ویاند صدیق صدیقي ډاډ وركوي، چې د مرغومې په پنځه ويشتمه نېټه به د ټاكنو خپلواك كميسيون ته د امنيتي تدابيرو ليست وسپاري.
په پام كې ده راتلونكې ولسمشريزې ټاكنې د راتلونكې كال د وري په شپاړسمه نېټه تر سره شي، خو دا چې دا بهير به په كومو شرايطو كې تر سره كېږي دا هغه پوښتنه ده، چې وخت به ورته ځواب ووايې.
سیمه ییز خبرونه
نریندرا مودي د هند په ټاکنیزو سیالیو کې له ډېر لږ اکثریت برخمن شو
رویټرز د راپور له مخې؛ د سې شنبې پر ورځ د هند لومړی وزیر نریندرا مودي د خپل درېیم تاریخي پېر لپاره وټاکل شو؛ خو د یوه داسې سیاسي مشر لپاره، چې د هېواد پر سیاست یې د لس کلن واک ګوندي رېښې ځغلېدلي د لږ اکثریت ګټل یوه بېساري ټاکنیزه ناکامي هم ده.
د مودي واکمن بهاراتیا جاناتا ګوند په تېره یوه لسیزه کې د لومړي ځل لپاره په پارلمان کې خپل اکثریت له لاسه ورکړ او پر خپلو سیمهییزو متحدینو تکیه کولو ته اړ شو.
د مودي لپاره، چې د نړۍ د مشرانو تر منځ یې ترټولو د لېوالتیا درجه لوړه وه او پر جمهوري بڼه یې ټاکنیز کمپاین اداره کړ؛ دا ډول پایله د سیاسي بدلون لومړۍ ښکارندویي کوي.
یو ارواپوه او د بی جي پی د یوې کوچنۍ سیاسي ډلې بنسټ ایښودونکی یوګنډرا یاډاو ویلي: د BJP د اکثریت له راکښته کېدا سره؛ دا بدلون ( د مودي لپاره ) یو شخصي ګوزار هم دی.
په تېرو ۱۰ کلونو کې مودي د واکمن اتحاد برلاسی مشر و؛ خو اوس یې مخالفان په اړه اندېښنې لري، چې هېواد یې استبدادي لوري ته راکاږلی دی.
که څه هم مودي هره ورځ د ټلویزیون په سکرینونو کې د هند له ۹۶۸ میلیون رای ورکوونکیو څخه د رای غوښتنه کړې؛ خو اوس یې مخالفانو د بدلون راوستلو غږ پورته کړې دی.
د لکنو پوهنتون د سیاسي علومو د څانګې پخوانی رییس سورنډرا کومار ډوویډي ویلي؛ نن له مودي سره زما یوازنۍ مسله دا ده، چې هغه له خپل ګوند څخه لوی شوی دی. یعنې په ډیموکراتیک سیسټم کې یو فرد ګوند ځای نیولی دی.
نریندرا مودي له لومړي وزیر جواهر لعل وروسته دوهیم مشر دی، چې درېیم پېر ګټي او په راتلونکیو پېنځه کلونو کې یې د بدلون راوستلو ژمنه کړې ده.
د هغه پر مشرۍ هند د نړۍ ترټولو د ګړندۍ وده کوونکي لوی اقتصاد لرونکی شو او دا ډاډ څرګندوي، چې غواړي په راتلونکیو درې کلونو کې له امریکا او چین وروسته په هند کې د نړۍ درېیم لوی اقتصاد رامنځته کړي.
مودي په یوه وروستۍ غونډه کې ویلي: څه، چې مونږ په تېرو ۱۰ کلونو کې کړي دي یوازې یو پیل دی؛ مونږ نور ډېر څه لرو. مودي هېواد د نړۍ یوې بلې کچې ته رسوي.
دغه راز ۷۳ کلن مودي د بې جي پي د اپوزیسیون د ګمانونو د ردولو تر څنګ ویلي؛ هغه غواړي د هند لپاره داسې زمینه برابره کړي، چې د د خپلواکۍ تر ۱۰۰ للنۍ پورې په بشپړ ډول پرمختللی هېواد شي.
په دې اړه د سینګاپور په ملي پوهنتون کې د سیاسي علومو د څانګې مرستیال بیلویر سینګهـ ویلي: مودي اوس د لومړي وزیرۍ له میراث برخمن شوی؛ هند به له سیاسي، اقتصادي، ډیپلوماټیکو او ان نظامي پلوه پرمخ وړي.
د مودي د څرګندونو له مخې: ښه مفکوره به دا وي، چې دا هېواد یو پیاوړی سیمهییز ځواک شي او له چین سره موازي وده ولري؛ خو د ځینو ادعاوو له مخې د لویدیځ ګټو ته نه! بلکې په نړیوال سیاست کې د هند ګټې، ځواک او ځای پیاوړی او خوندي کوي.
د مودي د واکمن ائتلاف لپاره کم شوی واک د هند په سیکولر اساسي قانون کې د بدلون شونتیا، چې مخالفو ډلو یې په اړه خبرداری ورکړی و؛ له منځه وړي. دا کړنه د پارلمان د دوه پر درېیمې برخې غړیو ملاتړ ته اړتیا لري.
د رویټرز د راپور له مخې: په وروستیو کلونو کې داسې اندېښنې زیاتې شوي، چې بې جي پی هندو ملتپاله اجنډا هېواد دوه قطبي کړی؛ پخپله مودي دا حالت رامنځته او د اصلي اپوزیسیون کانګره یې د مسلمانانو لپاره د رایو پر تر لاسه کولو تورنه کړې، چې اوس د مدني قوانیو په جوړښت کې باید په دې اړه بحثونه وشي.
سیمه ییز خبرونه
احمدي نژاد د ایران په ولسمشریزو ټاکنو کې د ګډون لپاره نوملیکنه وکړه
د ایران دولتي ټلویزیون د څرګندونو له مخې؛ د دغه هېواد پخواني ولسمشر محمود احمدي نژاد د ولسمشرۍ په ټاکنو کې د ګډون لپاره نوملیکنه کړې ده.
احمدي نژاد له ۲۰۰۵ څخه تر ۲۰۱۳ کال پورې د ایران ولسمشر و.
هغه د ۲۰۱۷ کال په ټاکنو کې شورای نګهبان له سیالۍ کولو منع کړی و.
د ایران ولسمشریزې ټاکنې به د جون پر اتویشتمه ترسره شي.
سیمه ییز خبرونه
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
د پاکستان پخوانی لومړی وزیر نواز شریف د شنبې پر ورځ (د زمري اتمه) د واکمن ګوند مسلم لیګ نواز څانګې مشرۍ ته یو ځل بیا غوره شو.
هغه وروستی ځل په ۲۰۱۷ کې د ګوند مشري وکړه؛ خو د فساد پر تور له تورنېدو وروسته استعفا ته اړ شو.
مسلم ليګ ن د روان کال د فبرورۍ پر اتمه نېټه په ملي ټولټاکنو کې واک ته ورسېد. د نواز شریف ورور شهباز شریف اوس د پاکستان د ائتلافي حکومت مشر دی او پخپله د پارلمان غړی دی.
نواز شریف په ۲۰۱۷ ز. کال کې د لومړي وزیر په توګه له دندې هغه وخت ګوښه شو، چې سترې محکمې هغه د مالي دارایۍ د پټولو له کبله له هر ډول دولتي کار څخه منع اعلان کړ؛ خو شریف دا تور ردوي.
په ۲۰۲۳ کې د محکومیت او د بند سزا له لغو کېدو سره؛ نواز شریف ته اجازه ورکړ شوه، چې یو ځل بیا حکومتي یا ګوندي چوکیو کې کار وکړي.
شریف د روان کال په اوکټوبر کې د لندن له ځاني تبعید وروسته پاکستان ته راستون شو. نوموړی په ۲۰۱۹ کال کې د عمران خان د واکمنۍ پر مهال د درملنې لپاره لندن ته تللی و.
عمران خان په ۲۰۲۲ کال کې په پارلمان کې د نه باور د رایې له کبله له واکه لرې شو او د بند موده تېروي.
-
لوبی3 days ago
امریکا د جونز پر غوره توپوهنې د ۲۰ اوریز نړیوال جام لومړۍ لوبه له کاناډا وګټله
-
نړۍ4 days ago
د جنوبي کوریا خلک دې د شمالي کوریا د رالېږل شویو بالونونو په اړه پوځ یا پولیس خبر کړي – چارواکي
-
تازه خبرونه2 days ago
قزاقستان د اسلامي امارت نوم د ترهګرۍ له نوملړه وویست
-
لوبی2 days ago
افغانستان یوګانډا ته پر ۱۲۵ منډو ماتې ورکړه
-
سوداگري2 days ago
د افغانستان لومړنۍ سووداګریزې لارۍ له لنډمهالو اسنادو سره پاکستان ته ننوتلې
-
تازه خبرونه3 days ago
امریکا او اروپا د بُن په ناسته کې د ښو طالبانو او پاچاهۍ د رامنځته کولو هڅه کوله
-
نړۍ4 days ago
محکمه آلمان حکم بازداشت یک افغان را در پیوند به حمله با چاقو صادر کرد
-
د هوا حالاتو بدلونونه3 days ago
په هند کې د تودوخې له څپې ۵۶ کسان مړه شول