تازه خبرونه
د ملي يووالي حکومت د چاپېريال ساتنې له پاره هېڅ سياسي اراده نه لري
د چاپېریال ساتنې ملي ادارې مسولین وايي چې په کابل کې یو میلیون ټنه ناولې او ککړه هوا فضا ته پورته کېږي چې د ډول ډول ناروغیو لامل ګرځي.
دوی وايي چې د ملي یووالي حکومت د چاپېریال ساتنې ستونزه له یاده ایستلې او د حل له پاره يې هېڅ ارده نه لري. دوی وايي چې له قانون څخه سرغړونه، د چاپېريال ساتنې کمزوری کلتور او په دغه برخه کې د ظرفیتونو کموالی هغه څه دي چې دغه اداره یې له ستونزو سره مخامخ کړې ده.
پاک چاپېريال او پاکه هوا د ټولنې له جدي اړتیاوو څخه بلل کېږي، خو کابل ښاریان له دې اړخه په ناوړه حالت کې ژوند کوي. د چاپېريال ساتنې ادارې مسولین وايي چې په کابل کې د ککړې هوا ګراف مخ په لوړېدو دی او هر کال یو میلیون ټنه ناولې او ککړه هوا فضا ته پورته کړې. د چاپېريال ساتنې د ملي ادارې مسولین وايي چې د ملي یووالي حکومت د چاپېريال ساتنې موضوع له یاده ایستلې ده.
د چاپيریال ساتنی د ادارې د پلان رییس کاظم همایون وايي: “د دولت له خوا د قانون سر غړاوی، فرهنګي او مالي فقر، د ملي یووالي د حکومت د سیاسي ارادې نشتوالی ناامني او داسې نورې ستونزې دي چې دغه اداره یې له ستونزو سره مخ کړې ده.”
همداراز د کابل پوهنتون د چاپيریال ساتنې د پوهنځي رییس وايي چې د کابل ښار د چاپېریال ساتنې له پاره هېڅ ډول سېستم نشته او د ناولې هوا ګراف مخ په لوړېدو دی.
د چاپېریال ساتنې د پوهنځي رییس نور احمد اخند زاده وايي:”د ښار د نفوس زیاتوالي د ښاري سېستم، د اوبو رسولو، کانالازیسیون او د اوبو د تصفيې او ښاري پلان د نشتوالي له امله د ښار د ککړتیا لوړ ګراف لري.”
کابل ښار د اټکلي شمېرو له مخې د اووه میلیونو کسانو کوربه دی. په دغه ښار کې د خامو سړکونو سربېره، د ګڼ شمېر موټرو تګ راتګ، له اندازې ډېر د کثافاتو تولید، د بې کیفیته تېلو کارونه او له ښاري ژوند سره نابلدتیا او د کانالیزاسیون نشتوالی، هغه څه دي چې د ښار چاپېريال يې د اندېښنې وړ کړی. مسولین وايي چې دوی د دغه حالت د کابو کولو له پاره پوره امکانات نه لري.
خبریال: عبدالعزیز کریمي
تازه خبرونه
امریکا او اروپا د بُن په ناسته کې د ښو طالبانو او پاچاهۍ د رامنځته کولو هڅه کوله
د ایران د بهرنیو چارو پخوانی وزیر ويلي: په داسې حال کې، چې امریکا او اروپا په افغانستان کې د ښو طالبانو او پاچاهۍ د رامنځته کولو هڅه کوله؛ خو ایران وتوانېد، چې مخه یې ونیسي.
د ایران بهرنیو چارو پخواني وزیر محمد جواد ظریف د حقوقي فکرونو له مرکز سره په مرکه کې د افغانستان د سیاسي نظام په اړه د خبرو پر مهال ویلي؛ امریکا په بُن غونډه کې د افغانستان لپاره د ښو طالبانو د ښه حکومت د جوړولو پلان جوړ کړی و او اروپا بیا د پاچاهۍ د رامنځته کولو هڅه کوله.
دغه ایرانی چارواکي څرګنده کړې؛ هغه وخت ایران وتوانید، چې د دغو پلانونو مخه ونیسي.
جواد ظریف زیاته کړې؛ هېواد یې د بُن په غونډه کې خپلو موخو ته ورسېد او د نوي افغان حکومت په جوړولو کې یې خورا مهم رول ولوباوه.
د ایران د بهرنیو چارو پخوانی وزیر محمد جواد ظریف وايي: ایران د بُن په غونډه کې خپلې موخې تر لاسه کړې او د افغانانو د ګټو پر بنسټ یې د نوي افغان حکومت په جوړولو او د تهران د امنیتي ملحوظاتو په نظر کې نیولو سره خورا مهم رول ولوباوه.
نوموړي له ترهګرو ډلو سره د ایران د مبارزې په اړه په دغه مرکه کې ویلي؛ په ګاونډ هېوادونو کې د ترهګرو ډلو منل د ښه ګاونډیتوب له اصولو څخه سرغړونه ده.
ظریف زیاته کړې، چې ایران د بُن په غونډه کې له امریکا سره د افغانستان او عراق په هکله هم مخامخ او ډیپلوماټیکه همغږي لرله.
د بن کنفرانس د ۲۰۰۱ کال پر ډسمبر د جرمني په بن ښار کې د افغانستان لپاره د نوي حکومت د جوړولو او د اسلامي امارت د پخواني حکومت له نسکوریدو وروسته د ګډوډۍ د مخنیوي پر موخه جوړ شو. دغه کنفرانس له نهه ورځو خبرو وروسته د ډسمبر پر دیارلسمه په افغانستان کې د لنډ مهالي حکومت بنسټ کېښود.
تازه خبرونه
په افغانستان کې به سبا د ګوزڼ یا پولیو واکسین کمپاین پیل شي
له پولیو څخه د پاک افغانستان ادارې څرګنده کړې، چې سبا (دوشنبه د غبرګولي څوارلسمه ) به په ټول افغانستان کې د ګوزڼ یا پولیو واکسین کمپاین پیل شي.
یادې ادارې نن ( يکشنبه د غبرګولي دیارلسمه) اعلان وکړ، چې په ټول هېواد کې د پوليو واکسين کمپاين دغه پړاو به څو ورځې روان وي.
له دې مخکې د روغتیا نړیوالې ټولنې ویلي وه، چې سږ کال یې په کونړ او نورستان ولایتونو کې د پولیو دوه مثبتې پېښې ثبت کړې دي.
د يادونې ده، چې افغانستان او پاکستان د نړۍ هغه دوه هېوادونه دي، چې د پوليو ناروغي په کې ختمه شوې نده.
تازه خبرونه
په پنجشېر کې د زمردو کان کېندونکیو ته له ۵۶۰ ډېر جوازونه وېشل شوي
د پنجشېر کانونو او پټرولیم رییس څرګنده کړې، چې د اسلامي امارت له واکمنۍ راوروسته په دې ولایت کې د کانونو غیر قانوني استخراج او قاچاق پای ته رسېدلی او د زمردو د قانوني او اصولي کان کېندنې لپاره مو تر اوسه له ۵۶۰ څخه ډېر جوازونه وېشلي دي.
د پنجشېر کانونو او پټرولیم رییس محمد قاسم امیري د کانونو او پټرولیم وزارت له چارسمبالي سره په کتنه کې زیاته کړې، چې له دې کار سره څه باندې لس زره پنجشېریانو ته د کار زمینه برابره شوې ده.
د کانونو او پټرولیم وزارت د خبرپاڼې له مخې؛ محمد قاسم امیري د پنجشېر د یاقوتو د ټولو کانونو د سروې او استخراج د جوازونو د وېش لپاره دې ولایت ته له دې وزارت څخه د سروې او تخنیکي ډلې د لېږلو غوښتنه وکړه.
په دې کتنه کې د کانونو او پټرولیم وزارت چارسمبالي شهاب الدین دلاور د پنجشېر خلکو ته د کاري فرصتونو په برابرولو او په دغه ولایت کې د یاقوت او زمرد د استخراج د جوازونو پر ورکولو ټینګار وکړ.
-
سیمه ییز خبرونه5 days ago
نواز شریف یو ځل بیا د پاکستان د واکمن مسلم لیګ ګوند مشري پر غاړه واخیسته
-
نړۍ4 days ago
په رفح کې پر اسرائيلي بريدونو لسګونه فلسطينيانو ووژل شول
-
نړۍ4 days ago
اسرائیلي ځواکونو د غزې او مصر د پولې کنټرول هم تر لاسه کړ
-
تازه خبرونه4 days ago
له نړۍ سره د اسلامي امارت تعامل وارزول شو
-
تازه خبرونه3 days ago
په کابل کې د نجونو کافي خونه او کتابتون پرانستل شو
-
لوبی3 days ago
د افغانستان او عمان ترمنځ د کرکټ روزنیزه لوبه بې پایلې پای ته ورسېده
-
تازه خبرونه3 days ago
د زدهکوونکیو د خوراکي خوندیتوب لپاره ۱۰ میلیون یورو مرسته کیږي – اروپايي ټولنه
-
تازه خبرونه3 days ago
د اروپايي ټولنې او قطر استازو د افغانستان په اړه خبرې وکړې