سیمه ییز خبرونه
د نشه يي توكو په وړاندې د مبارزې ځواكونه دې سمبال او خپلواكه شي
د كورنيو چارو وزارت د نشه يي توكو په وړاندې د مبارزې رييس وايي:
كه تر ۲۰۱۴م كال پورې مو ځواكونه په اړينو وسايلو سمبال او خپلواك نه شي، دا ځواكونه به د نشه يي توكو د كر او قاچاق په وړاندې د مبارزې وړتيا له لاسه وركړي.
هغه ټينگار وكړ، چې:
د نشه يي توكو په وړاندې د مبارزې ځواكونو د نه سمبالښت په صورت كې ښايي له ۲۰۱۴م كال وروسته د د دغو توكو په كراو قاچاق كې زياتوالى رامنځته شي.
د كورنيو چارو وزارت د نشه يي توكو په وړاندې د مبارزې رييس باز محمد احمدی وايي:
په ولايتونو كې د دې رياست سيمه ييز مديران اړ دي، چې د نشه يي توكو د سترو قاچاقگرو د نيولو لپاره خپل كاريز پلان پلى كړي.
احمدي په ډاگه كړه، چې:
هڅه كيږي، چې د هېواد هوايي ډگرونو او پولو ته په راروانو څو مياشتو كې وړ او مسلكي كسان وروپېژندل شي.
دا په داسې حال كې ده، چې د ۲۰۱۴م كال پاى ته رسيدو او د بهرنيو ځواكونو وتلو ته دوه كاله پاتې دي.