سیمه ییز خبرونه
د نفتي توكو د قاچاق د مخنيوي په موخه د سرحدي پوليسو همكارۍ ته اړتيا ده
د ماليې وزارت وايي، هېواد ته د غيرقانوني توكو او په ځانگړي توگه نفتي توكو واردول گمركي عوايدو ته زيان رسوي.
د نفتي موادو او اوبلنو گازو رياست او د استندارد ملي اداري هېواد ته د نفتي توكو د صادراتو د شفافيت لپاره د هېواد په بندرونو كې مجهز لابراتوارونه لگولي؛ خو تر اوسه هم د هېواد په بازارونو كې د بې كيفيته نفتي توكو شتون د چاپېريال لپاره لويه ستونزه ده.
د ماليي وزارت وياند عبدالقادر گيلاني وايي، چې د هېواد له يوولس بندرونو څخه يوازې شپږ بندرونو ته په قانوني ډول نفتي توكي وارديږي، او له كنتروله پرته د پېنځه زره پنځه سوه كيلو متره بندر شتون د هېواد په بازارونو كې د بې كيفيته موادو د زياتوالي لامل گڼل كيږي.
د سوداگرۍ او صنايعو وزارت وياند وايي، چې هېواد ته بې كيفيته نفتي توكو له واردولو څخه د مخنوي لپاره بايد دولتي بنسټونه پوره همغږي ولري.
دا په داسې حال كې ده، چې د نفتي توكو رييس دوه ورځې وړاندې هېواد ته د اتيا سلنې بې كيفيته موادو وارديدو په باب اندېښنه ښودلې وه .