سیمه ییز خبرونه
د ننگرهار ولايت د پښتورگو روغتون دې فعال شي- ننگرهاريان
د جلال آباد په ښار كې شپږ كاله مخكې د پاكستان له خوا د پښتورگو د درملنې روغتون ته ودانۍ جوړه شوه، چې پرې څلور ميليون دالرلگښت راغلى؛ خو لا تر اوسه له دې روغتون څخه استفاده نه كيږي.
د دې روغتون دروازو ته له تېروشپږ کالونوراهیسې د نامعلوم علت له مخې غټ غټ قلفونه پراته دي. په داسې حال كې، چې هره ورځ له دې ولایت څخه د پښتورگو او نورو ورته ناروغیو سلگونه ناروغان د درملنې په موخه گاوند هېواد پاکستان ته تگ راتگ كوي.
د سیمې ځايي استوگن وايي:
شپږ کاله وړاندې، چې کله د دې روغتون د جوړولو چارې پيل شوې؛ ډېرخوښ شو او هیله پیداشوه، چې د دې روغتون جوړول به مو گاونډ هېوادونو ته له تگ راتگ خلاص کړي، خو د روغتون له جوړیدو وروسته چارواکو روغتون ته غټ غټ قلفونه واچول.
دوی زياتوي، خلکو په دې اړه روغتیايي چارواکوته شکایتونه کړي؛ خو چایې غږ نه دی اوریدلی او روغتون غير فعال پاتې او د چارواکو د بې غورۍ پر لامل يې ودانۍ د له منځه تلو په حال کې ده.
د ننگرهار د عامې روغیتا ريیس داکتر بازمحمد شېرزاد هم مني، چې ډېرکلونه وړاندې د دې روغتون چارې بشپړې شوي؛ خو ترې استفاده نه ده شوې.
نوموړی د دې بې غورۍ پړه پر روغتیا وزارت اچوي او وايي:
مونږ د دې روغتون د فعالولو او چلولو مسوولیت نه لرو.
ښاغلى شېرزاد زياتوي، په تېرو څو کلونو کې د عامې روغتیا څو وزیرانو له دې روغتون څخه لیدنې کړي او د روغتون د فعالولو ژمنې یې هم کړي؛ خو په عمل کې هیڅ نه دي شوي.
دا په داسې حال کې ده، چې د۲۰۱۲م کال د اوومې میاشتې په نیمايي کې د عامې روغتیا اوسنۍ وزیره ثریا دلیل هم د دې روغتون لیدلو ته راغلې وه او د روغتون په انگړکې یې همغه وخت آریانا تلويزيون ته ویلي ول، چې په ډېره بېړه به دغه روغتون فعال شي. له دې لیدنې او ژمنې څخه یو کال تېرشو؛ خو تر اوسه هم د روغتون د فعالیدلو لپاره وزیرې هیڅ ونه کړل او روغتون ته غټ قلف پروت دی.
د عامې روغتیا وزات په دې اړه له څه ویلو ډډه كړې او داسې ښکاري، چې وزارت د دې روغتون فعالولو ته اوس کوم تصمیم نه لري.
د یادونې وړده، چې د پښتورگو د دې روغتون د بنسټ ډبره په ۲۰۰۵م کال کې ایښودل شوې او ټاکل شوې، چې چارې يې د څلورکلونو په تېريدو بشړې شوي او گټې اخستنې ته وړاندې شوى؛ خو د اته کلونو په تېریدو هم له دغې روغتون څخه گټه وانه خستل شوه.
دا په داسې حال کې ده، چې د ننگرهار سیمه يیز چارواکي اوځايي خلک ډېر کله دعامې روغیتا وزارت له دې ولایت سره د موراو میرې پر سلوك تورنوي او ادعا کوي، چې په لوی لاس یې په دې ولایت کې د روغیتايي ستونزو حل ته شاه کړې ده.
سیمه ییز خبرونه
پوتین د ولسمشرۍ بله ۶ کلنه لوړه وکړه
د روسیې ولسمشر ولادیمیر پوتین د سې شنبې پر ورځ د غویی اتلسمه په کرملین ماڼۍ کې د یو لړ مراسمو پر مهال د دغه هېواد د ولسمشر په توګه خپل نوی شپږ کلن پېر پیل کړ.
پوتین له دې مخکې څلور ځله د روسیې د اساسي قانون د ساتنې لوړه کړې ده.
ولادیمیر پوتین له ۱۹۹۹ ز.کال راپدیخوا د روسیې په سیاسي ډګر کې د ولسمشر یا لومړي وزیر په توګه خپل واک ساتلی دی.
۷۱ کلن پوتین په تېر مارچ کې د روسیې د ولسمشریزو ټاکنو ګټونکی وپېژندل شو.
د هغه تر ټولو نومیالی سیال الکسي ناوالني یوه میاشت مخکې د شمالي قطب په یوه زندان کې ناڅاپه مړ شو.
د الکسي ناوالني میرمنې په یوټیوب کې د ولسمشرۍ د لوړې له مراسمو مخکې یوه ویډیو خپره کړه؛ پوتین یې ظالم او قاتل یاد کړی او له پلویانو یې وغوښتل، چې د پوتین پر وړاندې مبارزه روانه وساتي.
امریکا، بریټانیا او یو شمېر نورو هېوادونو د پوتین د لوړې له مراسمو ډده کړی ده.
د امریکا بهرنیو چارو وزارت ویاند مټیو میلر د دوشنبې پر ورځ ویلي: مونږ به د هغه د لوړې په مراسمو کې استازی ونلرو. مونږ د [روسیې] ټاکنې ازادې او عادلانه نه ګڼو؛ خو پوتین د روسیې ولسمشر دی او په اټکل کیږي، چې خپل کار به روان وساتي.
د آلمان خبري آژانس او د اروپايي اتحاديې د ډيپلوماتانو د څرګندونو له مخې؛ ځينو هېوادونو لکه فرانسې، هنګري او سلواکیا د پوتين د لوړې مراسمو ته د اړیکو د ساتلو لپاره خپل استازي استولي دي.
ولادیمیر پوتین، چې لږ تر لږه ۲۵ کاله په واک کې پاتې دی؛ تر ۲۰۳۰ پورې به د روسیې د ولسمشر په توګه خپلې دندې ترسره کوي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
-
نړۍ2 days ago
حماس او اسرائیل کولی شي په غزه کې د اوربند په اړه واټن راکم کړي – امریکا
-
تازه خبرونه2 days ago
د پاکستان خاوره د افغانستان پر ضد کارول کیږي
-
تازه خبرونه5 days ago
په غور کې د سېلابونو له کبله سلګونه خلک بې ځایه شول
-
تازه خبرونه2 days ago
د سې شنبې پر ورځ خراسان او سرخ پوشان لوبډلو لوبه وګټله
-
تازه خبرونه5 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
نړۍ4 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه2 days ago
دولتي بنسټونه د برښنا له شرکت څخه یو نیم میلیارډ افغانۍ پوروړي دي
-
سوداگري5 days ago
د ترکمنستان د سوداګرو او صنایعو اتحادیې مشر هرات ته سفر وګړ