تازه خبرونه
د نوم لیکنې بهیر ټکنی دی
د ټاکنو د بهیر له پاره د ټاکنو د خپلواک کمېسون کارلارې بریالۍ نه دي او په هېواد کې به روڼې او سراسري ټاکنې ونه شي.
د ولسي جرګې ځینې استازي وایي چې د امنیت نشتوالی، د رایې ورکوونکو د لستونو جوړول او د پېژندپاڼو وېش، د ټاکنو په برخه کې د ستونزو ستر عوامل بلل کېدای شي.
د ټاکنو خپلواک کمېسیون په داسې حال کې چې وایي د معیاري ټاکنو شرایط برابر نه دي؛ خو هڅّه کوي چې سمې ټاکنې تر سره کړي.
بلخوا ولسي جرګې، د ټاکنو خپلواک کمېسیون او د وګړو د احوال د ثبت د ادارې مشران، د هغه ستونزو له امله چې ټاکنې ورسره مخامخ دي، د استجواب له پاره وبلل. په جرګه کې د خلکو استازي وایي چې د رایې ورکوونکو د لستونو جوړول او د پېژندپاڼو وېش، ستونزمن کارونه دي چې ټاکنو بهیر ته زیان اړولي شي.
د ولسِ جرګې لومړی مرستیال همایون همایون ووېل: “د پېژندپاڼو وېش ټکنی دی او پېژندپاڼې د هویت او سوانحو په بنسټ نه وېشل کېږي. کېدای شي چې ځینې کسان دا پاڼې واخلي او بیا د امنیتي ځواکونو لیکو ته ننوځي او په مهمو ځایونو کې سترې ستونزې جوړې کړي”
د ولسي جرګې استازي الله کل مجاهد ووېل: ” که دا پروسه سمه ونه څآرل شي، دا ټاکنې به هېواد له بحران او بدمرغۍ سره مخامخ کړي او مسوولیت به یې د حکومت او ملي شوری په غاړه وي”
په همدې وخت کې د ټاکنو د خپلواک کېمسیون د دارالانشا سرپرسته شهلا حق وویل: “وضعیت د معیاري ټاکنو له پاره جوړ نه او ستونزې ډېرې دي لکه بې امنیتي؛ خو موږ بله لار نه لرو. تر اوسه 189000 کسانو نومونه ثبت کړي”.
د احوال د ثبت د ادارې مشر همایون محتاط ووېل: “زموز دفتر د لس ملیونه پېژندپاڼو د وېش له پاره چمتو دی؛ خو دا چې خلک نه راځي او پېژندپانې نه اخلي دا زموږ مسوولیت نه دی. د ښاغلي کرزي د حکومت په وخت کې 12 ملیون پانې وېشل شوي او په ټوله کې په افغانستان کې کابودېرش ملیون پېژندپاڼې شته”
په پام کې دي چې د ولسي جرګې او د ولسوالیو د شوری ګانو ټاکنې د روان کال د تلې یا میزان په 28 وشي. و به لیدل شي چې د ټاکنو خپواک کمېسون به څومره وکولای شي چې په هېواد کې سراسري ټاکنې وکړي.
تازه خبرونه
د افغانستان سیلاب ځپلیو ته مو د مرستو چمتووالی نیولی – ټوماس ویسټ
د افغانستان لپاره د امريکا ځانګړي استازي ټوماس ويسټ د افغانستان په بغلان، بدخشان، سمنګان، تخار، غور، هرات او نورو ولایتونو کې د وروستيو سيلابونو پر اوښتو زيانونو خپله خواشيني څرګنده کړې ده.
ټوماس ویسټ د دوشنبې پر ورځ ( د غویی څلیریشتمه ) په خپله ایکس پاڼه کې لیکلي، چې د امریکا متحدین په افغانستان کې د سېلاب ځپلیو لپاره د خوراکي توکو او اوبو په ګډون بېړنۍ مرستې رسوي.
دغه راز د افغانستان لپاره په قطر کې د امریکا سفارت چارسمبالې کرن ډیکر هم ویلي: امریکا سیلاب ځپلیو ته د بېړنیو مرستو د جلبولو، د خپلو همکارانو له لارې د خوراکي توکو او طبي تجهیزاتو د برابرولو لپاره له نورو سره یوځای کیږي.
د هېواد په يو شمېر ولايتونو په تېره بيا په بغلان کې د مرګوني سېلابونو راوتو ځايي اوسېدونکیو ته ځاني او مالي زيانونه اړولي دي.
د وروستیو څرګندونو له مخې؛ د بغلان په دوه ولسوالیو کې له ۳۰۰ ډېر کسان مړه شوي دي.
تازه خبرونه
ملا برادر د بغلان ولایت له سیلاب ځپلیو سیمو لیدنه وکړه
د ریاست الوزراء اقتصادي مرستيال ملا عبدالغني برادر د دوشنبې پر ورځ ( د غویی څلیریشتمه) د دغه ولايت د مرکز په ګډون له سېلاب ځپلیو سيمو ليدنه وکړه.
ملا برادر د زیانمنو سیمو له لیدنې وروسته د دې ولایت په مرکز کې له مسوولینو او کاري کمیټو له استازو سره په ناسته کې لازمې سپارښتنې وکړې.
نوموړي زیاته کړې: په هغو ولسوالیو کې، چې مونږ له نږدې ولیدلې اوښتي زیانونه ډېر دي؛ نو له همدې کبله اړینه ده، چې دغه بنسټونه د بې ځایه شویو خلکو لپاره د خوراکي توکو، درملو او سرپناه په برابرولو کې خپلې هڅې ګړندۍ کړي او سیلاب ځپلیو سیمو ته د مرستو رسولو بهیر نور هم چټک کړي.
په تېرو څو ورځو کې د افغانستان شمالي او لویديځ ولايتونه د ويجاړونکيو او مرګونو سېلابونو شاهدان دي.
د یو لړ څرګندونو له مخې؛ یوازې په بغلان کې له ۳۰۰ ډېر کسان مړه شوي دي. په تخار کې هم له ۲۰ ډېرو کسانو خپل خوږ ژوند له لاسه ورکړی دی.
تر اوسه د مالي زیانونو پوره کچه په ډاګه شوې نده؛ خو ویل کېږي، چې د سیلابونو له کبله سلګونه کورونه ویجاړ شوي او کرنیزو ځمکو ته پوره زیانونه رسېدلي دي.
تازه خبرونه
د حج او اوقافو وزارت چارسمبالي د ترکیې له ولسمشر سره وکتل
د اسلامي امارت ویاند ذبیح الله مجاهد ويلي، د افغانستان د ارشاد، حج او اوقافو وزارت چارسمبالي د اسلامي نړۍ د عالمانو د مشورتي ناستې په څنډه کې د ترکیې له ولسمشر سره وکتل او خبرې یې ورسره وکړې.
ذبیح الله مجاهد په ایکس پاڼه کې لیکلي، چې د ارشاد، حج او اوقافو وزارت چارسمبالي نور محمد ثاقب د اسلامي نړۍ د عالمانو په مشورتي دوه ورځنۍ غونډې په څنډه د ترکیې له ولسمشر رجب طیب اردوغان سره وکتل.
مجاهد زیاته کړې، چې په دې کتنه کې د ترکیې ولسمشر د امنیت خوندي کېدا او په افغانستان کې د روان وضعیت په اړه خوښي څرګنده کړه.
د نوموړي د څرګندونو له مخې؛ په دې کتنه کې د ارشاد، حج او اوقافو وزارت چارسمبالي له ولسمشر اردوغان څخه د دغې غونډې له جوړولو د مننې تر څنګ ویلي، افغانستان له ورور هېواد ترکیې سره د ښو او پرمختللیو اړیکو غوښتونکی دی.
د ارشاد، حج او اوقافو وزارت ویلي؛ اسلامي نړۍ او په ځانګړي توګه افغانستان د ترکیې له ولسمشر څخه هیله لري، چې د اسلامي امت د ستونزو په حل کې مهم رول ولوبوي.
ارشاد، حج او اوقافو وزارت د څرګندونو له خې؛ د اسلامي نړۍ د عالمانو دوه ورځنۍ مشورتي غونډه پرون (یکشنبه د غویی درویشتمه) د ترکیې په استانبول ښار کې د دغه هېواد د ولسمشر رجب طیب اردوغان پر وینا پیل شوې او د افغانستان د ارشاد حج او اوقافو وزارت چارسمبالی یې هم ګډونوال دی.
-
تازه خبرونه2 days ago
الله ګل مجاهد د قتل پر تور ونیول شو
-
سوداگري5 days ago
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
-
لوبی5 days ago
ابو مسلم او عدالت فراه مساوي شول او میوند لوبډلې جوانان واحدي ته ۲ ګولونه ورکړل
-
تازه خبرونه5 days ago
تېر کال پر زړه د سوريو ۷۰۰ ماشومانو درملنه وشو – سره میاشت
-
نړۍ5 days ago
پر رفح د برید په صورت کې به پر اسرائیلو وسلوال ملاتړ ودرول شي – جو بایډن
-
تازه خبرونه1 day ago
په بغلان کې سېلابونو ۱۹۴۵ کسانو ته مرګ او ژوبله اړولې
-
سوداگري2 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه5 days ago
سعودي عربستان ته د افغان حاجیانو د لېږد بهیر پیل شو