تازه خبرونه
د هند د بشري مرستو لومړۍ ټولګه کابل ته راورسېده
Last Updated on: ليندۍ ۲۱, ۱۴۰۰
د هند د بشري مرستو لومړۍ ټولګه د شنبې پر ورځ د لیندې۲۰) کابل ته رارسېدلې ده.
د هند د بهرنیو چارو وزارت په ډاګه کړې، چې د درملو په ګډون به دغه مرستې د روغتیا نړیوالې ټولنې استازیو ته وسپارل شي.
د سرچینې د څرګندونو له مخې؛ هند له افغانستان څخه د سیکانو او هندوانو په ګډون له سل ډېر کسان هند ته لېږدولي دي.
د هند د بهرنیو چارو وزارت زیاته کړې، چې د ایستلو په دې پلان کې لس هندي وګړي او ۹۴ افغان هندوان او سکهان له کابل څخه ډیلي ته لېږدولي دي.
هند ویلي، چې په کابل کې د اسلامي امارت د بیا واکمنۍ له پیل راپدیخوا ۶۶۹ کسان د ۴۴۸ هنديانو او ۲۰۶ افغانانو په ګډون په هند ځای پر ځای شوي دي.