سیمه ییز خبرونه
د ولسمشرۍ د نوماندانو د اسنادو څېړنه په رسمي توګه پېل شوه
د ټاكنيزو شكايتونو كميسيون د رسنيو او مدني ټولنې د غړو پروړاندې د ولسمشرۍ د نوماندانو د اسنادو څېړنه په رسمي توګه پېل كړل. زياتره معترض نوماندان د ټاكنو په خپلوا ك كميسيون تور لګوي، چې د اسنادو په څېړنو كې يې مسلكي چلند نه دى كړى. دوى د شكايتونو له كميسيون څخه وغوښتل، چې په عادلانه توګه يې اسناد له سره وڅېړي.
د ولسمشرۍ د ټاكنو شپاړسو معترض نوماندانو، د مدني ټولنې يو شمېر غړيو او رسنيو د نوماندانو د شكايتونو د ارزولو د كار د پېل په لومړۍ ورځ د ټاكنيزو شكايتونو د كميسيون په يوه غونډه كې برخه واخيسته.
د شكايتونو كميسيون په ترتيب سره د ټاكنو د خپلواك كميسيون له خوا د حذف شويو نوماندانو د ليرې كېدو دلايل وړاندې كول او هر نوماند په ترتيب سره د خپلو اسنادو په اړه ځوابونه ويل.
د سل زرو ملاتړو كارتونو نه بشپړتيا، د كړنلارې مطابق په شلو ولايتونو كې د دوه سوو ملاتړو كارتونو نه درلودل او يا هم دوه ګونى تابعيت هغه لاملونه ګڼل كېږي، چې له امله يې نوماندان له لومړني نوملړ څخه ايستل شوي دي.
خو معترض نوماندان حمیدالله فاروقي او سید عبدالهادي دبیر وايي، چې د ټاكنو خپلواك كميسيون غېر قانوني كار كړى او د لومړني نوملړ تر اعلانولو مخكې دوى ته خبر نه دى وركړل شوى.
د شكايتونو په كميسيون كې د معترضو نوماندانو د دلايلو تر وړاندې كولو وروسته د مدني ټولنې فعال اجمل بلوچ زاده هم د ټاكنو د خپلواك كميسيون په كارونو كې نيمګړتياوې نه ردوي.
خو د ټاكنو خپلواك كميسيون ویاند نور محمد نور د دې څرګندونو په غبرګون كې وايي، دوى د ټاكنو د كړنلارې او مهالوېش له مخې خپلې څېړنې كړې او كار يې نيمګړى نه دى.
په همدې وخت كې د ټاكنيزو شكايتونو د كميسيون رئیس عبدالستار سعادت وايي، د دغو اسنادو د عادلانه څېړلو په موخه يې پلاوى ګومارلى دى.
د ټاكنيزو شكايتونو د كميسيون رئیس همدارنګه زیاتوي، چې كه وروستۍ نوملړ هم خپور شي په كار كې د روڼتيا په موخه به د شكايتونو تر پاى ته رسېدو پورې دا څېړنې دوام ومومي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه3 days ago
په غور کې د سېلابونو له کبله سلګونه خلک بې ځایه شول
-
تازه خبرونه3 days ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه3 days ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه2 days ago
د اسلامي همکاریو ټولنې سرمشریزې په افغانستان کې د نجونو پر زدهکړو ټینګار څرګند کړ
-
نړۍ2 days ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
سوداگري3 days ago
د ترکمنستان د سوداګرو او صنایعو اتحادیې مشر هرات ته سفر وګړ
-
لوبی2 days ago
ابو مسلم فراه افسي میوند فوټبال لوبډلې ته ۹ پر ۱ ماتې ورکړه
-
نړۍ1 day ago
د غزې په جګړه کې مو د مصر او قطر د اوربند وړاندیز منلی – حماس