د ولسمشر حامد كرزي د ترور پلان شنډ شوى- مشعل

د ملي امنيت وياند لطف الله مشعل وايي، چې:

په كابل كې له القاعده سره تړلې يوې شپږكسيزې ډلې پلان درلود، چې افغان ولسمشر ترور كړي.

د ملي امنيت وياند زياته كړې، چې:

د كابل د طبي پوهنتون د مايكرو بيولوژۍ د څانگې امر ډاكټر ايمل حبيب د دغې ډلې مشري كوله او په دغه پلان كې د سلام په نوم د ځانگړي(خصوصي) پوهنتون او د طبي پوهنتون دوه زده كړيالو(محصلينو) هم برخه درلوده، چې د افغان ولسمشر حامد كرزي د يوه ساتونكي محب الله په واسطه افغان ولسمشر حامد كرزى ترور كړي.

د ملي امينت وياند ټينگاركړى، چې:

د كابل د طبي پوهنتون د مايكرو بيالوژي د ديپارتمنت امرډاكټر ايمل حبيب، د سلام  پوهنتون   محصل پرويزمشهورپه عبدالعزيز، د طب پوهنځي محصلين رحمت الله رامين او عبدالحميد مشعل د ولسمشرساتونكى محب الله او د كابل ښاراوسيدونكى عبدالبشيرد دغه پلان اصلي طراحان ول.

د لطف الله مشعل په وينا:

دوى يو كال كيږي، چې د طبي پوهنتون د  سقافت ښوونكي سيد آقا په لارښوونه له القاعده ډلې سره يو ځاي شوي وه اوغوښتل يې، چې د ولسمشرد محافظينو په مرسته ولسمشرتروركړي؛ خو د ملي امنيت  د  ارگان  په هڅو دغه كسان نيول شوي او پخپل جرم يې اعتراف هم كړى دى.

د ملي امنيت وياند وويل، چې:

د ډلې د مشرډاكټرايمل حبيب په بانكي حساب د بېلابېلو بهرنيو موسسو لخوا تر يو زر و پنځوس  زره ډالر وارد شوي،  چي دوى  پرې خپلې چارې تر سره كولې.