تازه خبرونه
د ولسي جرگې پر غړې مريم كوفي وسلوال بريد شوى
Last Updated on: لړم ۳, ۱۴۰۱
د كابل ښار په آريا مېنه كې تېره شپه ۹ بجې د ولسي جرگې پر غړې مريم كوفي د پولیسو د یوه سرتېري لخوا وسلوال بريد شوى دى.
په دې بريد كې مريم كوفي ټپي شوې ده.
د کورنیو چارو وزارت په اطلاعیه کې راغلي: “تېره شپه د ولسي جرگې د غړې مریم کوفي او د پولیسو د یوه سرتېري ترمنځ لفظي شخړه وشوه، چې په ترڅ کې یې پر میرمن کوفي ډزې وکړې او هغه یې ټپي کړه.”
ویل کیږي ، چې ميرمن كوفي په روغتون کې بستري ده.
د اطلاعیې په اساس تر اوسه د پېښې علت نه دی په ډاگه شوې، خو په اړه یې څېړنې پیل شوې دي.