1393ټاكنې
د ټاكنيزو شكايتونو په كميسيون كې له زرو زيات شكايتونه ثبت شوي دي
د دې كميسيون مسئولين وايي، له دې شكايتونو څخه يو زرو يوسلو اووه يي ټيليفوني دي او ۱۷۰ نور شكايتونه په مستند ډول دوى ته رسېدلي. د راى پاڼو بې وخته خلاصېدل، د يوه ځانګړي كانديد په ګټه د صندوقونو ډكول او د افغانستان په ګوټ ګوټ كې د څارونكو له څارنې مخنيوى د دې شكايتونو جدي هغه دي.
د ټاكنيزو شكايتونو د كميسيون وياند نادر محسني وایي:
د ټاكنو له پاى ته رسېدو سره په يوه وخت د ټاكنيزو شكايتونو كميسيون ته سلګونه شكايتونه رسېدلي. دې كميسيون له غرمې مخكې تر يوولسو بجو له زرو زيات شكايتونه تر لاسه كړي. نوموړی همدارنګه وایي،
–ټول شكايتونه: 1269
–ټېلفوني شکایتونه: 1107
–مستند شكايتونه: 170
د دې سرغړونو جدي برخې
د يوه كانديد په ګټه د افغانستان په بېلابېلو سيمو كې د صندوقونو ډكول.
په ټول هېواد كې د راى پاڼو پاى ته رسېدل.
راى پاڼې په مركز كې خلاصې شوې او د كابل ښار په ۹،۳،۶،۱۷، او ۱۳ ناحيو كې.
د ټاكنيزو شكايتونو كميسيون همدارنګه وايي، د هرې رايې استعمال څه ناڅه يوه دقيقه وخت اخلي او په هر صندوق كې ۶۰۰ رايې لوېږي؟
پوښتنه؟؟
600 دقیقې په انفرادي توګه د صندوقونو د ډكولو لپاره اړتيا ده؟ څنګه په دولس نيمو بجو دا شپږ سوه دقيقې بشپړې شوې؟
تورن:
–د ټاكنو د خپلواك كميسيون كاركوونكي
–د حكومت زورواكان
–د كانديدانو څارونكي
د ټاكنيزو شكايتونو كميسيون، شكايتونه د سې شنبې تر شپې ټولوي او وروسته خپل وروستى راپور د غويي تر څلورمې د ټاكنو د مهال وېش له مخې اعلاموي.