تازه خبرونه
د پاکستان د بهرنیو چارو وزیر د افغانستان د اقتصاد پر رغولو ټینګار څرګند کړ
د پاکستان د بهرنیو چارو وزیر شاه محمود قریشي ویلي، اسلام آباد افغانستان ته د اړتیا وړ مرستو د لېږلو لپاره یو عملي بشري دهلیز چمتو کړی دی.
پاکستانيو رسنیو راپور ورکړی، چې له بانکي سیسټم او د افغانستان د شتمنیو له آزادېدو پرته بشري مرستې ناشوني دي.
قریشي دغه څرګندونې د یونیسف له اجرائیوي مشرې کاټرین راسل سره د لیدنې پر مهال کړې دي.
کاټرین راسل افغانستان ته د یونیسف د بشري مرستو په لېږد کې د پاکستان له مرستو ستاینه کړې ده.