سیمه ییز خبرونه
د پوهنې وزارت اړوند ادارې به په كمپيوتري وسايلو سمبال شي
د پوهنې وزارت وايي:
په ټولو ولايتونو كې به خپلې اړوندې ادارې په كمپيوټري وسايلو سمبال كړو، چې د دولسمو ټولگيو فارغانو ته د شهادت نامو وېش ساده، چټك او غيرمركزي شي.
اوس دا چاره يوازې په كابل كې تر سره كيږي.
د پوهنې وزارت غواړي له دې وروسته په ټولو ولايتونو كې په خپلو اړوند ادارو كې د دولسمو ټولگيو پر فارغانو شهادت نامې ووېشي.
چارواكي وايې:
دا مهال د شهادت نامو د وېش په وړاندې كاغذ پراني او بيروكراسي دوه عمده ستونزې دي.
د پوهنې وزارت د چارواكو په وينا:
په ولايتونو كې به د دولسمو ټولگيو فارغانو ته د شهادت نامو وېش د درغليو مخه ونيسي او اداري چارې به هم په ښه توگه ترسره شي.
دوى په ټول هېواد كې د پوهنې وزارت له چارواكو وغوښتل، چې په صداقت او رښتينولۍ دې د پوهنې په وده كې همكاري وكړي.
د پوهنې وزارت تدريسي مرستيال صديق پتمن وايي:
په كابل كې مو له كاغذ پرانۍ او درغليو څخه د مخنيوي په موخه د هېواد د پوهنې رياستونو د نتايجواو شهادتنامو د مسوولينو لپاره د كاري وړتياوو د لوړولو په خاطر دوه ورځنى وركشاپ جوړكړ.
د كندهارد پوهني رياست د نتايجو اومتعليمينو مديرامان الله رحيمي هم شته ستونزې مني او وايې:
د وزارت له خوا د امكاناتو په برابرولو تر يوه بريده دا ستونزې حل شوې دي.
د پنجشير د پوهنې رياست د نتايجواو متعليمينو مديرنذير احمد د مسلكي ښوونكو نشتوالى او امنيتي ستونزې لويې ننگونې بولي او وايې:
په ليريو پرتو سيمو كې له ښوونځيو سمه څارنه نه شو كولى.
د پوهنې وزارت په پام كې لري، چې په ټول هېواد كې د ښوونځيو په تدريسي او اداري چارو كې ښه والى راشي او د ولايتي څانگو له مسوولينو يې وغوښتل، چې د پوهنې په وده كې په صداقت او رښتينولۍ خپله همكاري ونه سپموي.