Connect with us

سوداگري

د چین او افغانستان ترمنځ د ریلګاډي سوداګري بیا پیل شوه

هغه په ایکس پاڼه کې لیکلي: دا د سوداګریزو محصولاتو لومړني ۵۵ واګونه دي، چې د شانګهای د شمال یوه کمربند او یوې لارې پروژې له مرکز نانټونګ څخه بار شوي او د افغانستان د حيرتان پولې ته روان دي.

خپور شوی

د

د افغانستان لپاره د چين ځانګړي استازي يو شياویونګ د چين او افغانستان ترمنځ د ریلګاډي له سوداګري خبر ورکړ.

هغه په ایکس پاڼه کې لیکلي: دا د سوداګریزو محصولاتو لومړني ۵۵ واګونه دي، چې د شانګهای د شمال یوه کمربند او یوې لارې پروژې له مرکز نانټونګ څخه بار شوي او د افغانستان د حيرتان پولې ته روان دي.

د افغانستان لپاره د چین ځانګړي استازي او په بیجینګ کې د افغانستان د سفیر بلال کریمي په ګډون په یو لړ مراسمو کې د دې ریل‌پټلۍ د بیا پیلولو پرانسته وکړه.

تېره اوونۍ په کابل کې د چین سفیر اعلان کړی و، چې د روان کال تر پایه به چین ته د افغانستان سوداګریزو توکو پر صادراتو ګمرکي تعرفه لغو کړي.

سوداگري

د افغانستان او هند تر منځ د سوداګرۍ د پراختیا لپاره د همکارۍ هوکړه‌لیک لاسلیک شو

د هند د سوداګرۍ او صنایعو د خونې فډراسیون په یوه خبرپاڼه کې ویلي، چې دا هوکړه‌لیک په نوي ډیلي کې د دې فډراسیون د عمومي منشي سارب سانیال او د افغانستان د سوداګرۍ او پانګونې خونې د رییس سید کریم هاشمي ترمنځ لاسلیک شوی دی.

Published

on

د افغانستان د سوداګرۍ او پانګونې خونې او د هند د سوداګرۍ او صنایعو د خونې فډراسیون د افغانستان او هند ترمنځ د دوه اړخیزې سوداګرۍ، پانګونې او تجارتي همکاریو د پیاوړتیا لپاره د همکارۍ هوکړه‌لیک لاسلیک کړ.

د هند د سوداګرۍ او صنایعو د خونې فډراسیون په یوه خبرپاڼه کې ویلي، چې دا هوکړه‌لیک په نوي ډیلي کې د دې فډراسیون د عمومي منشي سارب سانیال او د افغانستان د سوداګرۍ او پانګونې خونې د رییس سید کریم هاشمي ترمنځ لاسلیک شوی دی.

د سید کریم هاشمي پر مشرۍ د افغانستان پلاوي هم د یاد فډراسیون له رییس نیرمل کومار مینډا او یو شمېر نورو چارواکو سره د دواړو هېوادونو د سوداګرۍ د پراختیا، د پانګونې د زیاتوالي او د خصوصي سکټور د همکاریو د پیاوړتیا په اړه خبرې کړې دي.

د هند د سوداګرۍ او صنایعو خونې فډراسیون ویلي، چې دا هوکړه‌لیک د بنسټیزو همکاریو د پیاوړتیا، د دواړو هېوادونو د شرکتونو ترمنځ د اړیکو د پراختیا او د سوداګرۍ او پانګونې د نورو ډېرو فرصتونو د برابرولو لپاره لاسلیک شوی دی.

دې بنسټ همداراز ټینګار کړی، چې د افغانستان او هند د سوداګریزو ټولنو ترمنځ د اقتصادي اړیکو پیاوړتیا او د نویو همکارۍ فرصتونو رامنځته کولو ته ژمن دی.

Continue Reading

سوداگري

قزاقستان له افغان شرکت سره د جست ډبرو د صادراتو تړون لاسلیک کړ

د قزاقستان د سوداګرۍ او ادغام وزارت د څرګندونو له مخې، دا تړون په کابل کې د «قزاقستان د سوداګرۍ خونې» د پرانیستې او د قزاقستان د لوړپوړي پلاوي د سفر پر مهال لاسلیک شوی دی.

Published

on

 

د قزاقستان چارواکو ویلي، د دغه هېواد شالکیازینک شرکت په افغانستان کې له افغان ـ جرمن باختر شرکت سره د جست ډبرو د برابرولو تړون لاسلیک کړی دی.

د قزاقستان د سوداګرۍ او ادغام وزارت د څرګندونو له مخې، دا تړون په کابل کې د «قزاقستان د سوداګرۍ خونې» د پرانیستې او د قزاقستان د لوړپوړي پلاوي د سفر پر مهال لاسلیک شوی دی.

د تړون له مخې، هر کال به شاوخوا ۳۰ زره ټنه د جست ډبرې له افغانستان څخه قزاقستان ته صادرېږي. د تړون ټول ارزښت ۱۸.۸۸ میلیون ډالر ښودل شوی او موخه یې شالکیا‌زینک تولیدي فابریکو ته د خامو موادو برابرول دي.

قزاقستاني چارواکي وایي، افغانستان پر پراخو اقتصادي فرصتونو لرونکي بازار بدلېږي او د کانونو، کرنې او رغونې په برخو کې د همکارۍ زمینه پراخېږي.

د رسمي څرګندونو له مخې، په ۲۰۲۵ز.کال کې د افغانستان او قزاقستان ترمنځ د سوداګرۍ کچه له ۵۴۱ میلیون ډالرو اوښتې او ټاکل شوې په نږدې راتلونکې کې ۳ میلیارډ ډالرو ته لوړه شي.

Continue Reading

سوداگري

د افغانستان او قزاقستان د خصوصي سکټور ترمنځ ۲۵ تفاهم‌لیکونه لاسلیک شول

د دې وزارت د خبرپاڼې له مخې، په دې هوکړه‌لیکونو کې د درملو، سابو، تازه او وچو مېوو د وارداتو او صادراتو ترڅنګ بانکي همکاري، اوړه، غنم، غوړي او کچالو هم رانغاړي.

Published

on

د صنعت او سوداګرۍ وزارت ویلي، چې د افغان– قزاق اقتصادي فورم پر مهال د دواړو هېوادونو د تولیداتو نندارتون او د خصوصي سکټور د غړو ترمنځ د سوداګریزو ناستو په پایله کې د افغانستان او قزاقستان د خصوصي سکټور ترمنځ ۲۵ هوکړه‌لیکونه لاسلیک شول.

د دې وزارت د خبرپاڼې له مخې، په دې هوکړه‌لیکونو کې د درملو، سابو، تازه او وچو مېوو د وارداتو او صادراتو ترڅنګ بانکي همکاري، اوړه، غنم، غوړي او کچالو هم رانغاړي.

دغه هوکړه‌لیکونه کابل ته د قزاقستان د لوړپوړي پلاوي په سفر کې، چې د هغه هېواد د لومړي وزیر مرستیال یې مشري کوله؛ لاسلیک شوي دي.

 
Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117