تازه خبرونه
د کابل په لویدیځ کې چاودنې لږ تر لږه ۱۲ کسانو ته مرګ او ژوبله اړولې
دا چاودنه د دشت برچي په سیمه کې شوې ده.
Last Updated on: زمری ۲۲, ۱۴۰۳
د کورنیو چارو وزارت ویاند آریانا نیوز ته تائید کړه؛ د یکشنبې پر ورځ مازیګر مهال د کابل په لویدیځ کې د یوه مرسیډیز ډوله موټر ځای پر ځای شوي ماین چاودنه کړې، چې له کبله یې یو کس وژل شوی او څو نور ټپیان دي.
دا چاودنه د دشت برچي په سیمه کې شوې ده.
د کابل پولیسو ویاند خالد ځدراڼ ويلي، په دې پېښه کې ۱۱ ملکي وګړي ټپیان شوي او یو بل کس وژل شوی دی.
هغه زياته کړې، چې امنيتي ځواکونه سيمې ته رسېدلي او پلټنې يې پيل کړې دي.
تر اوسه کوم کس یا ډلې د دې چاودنې مسوولیت ندی منلی.