تازه خبرونه
د کاپیسا ولایت د ترافیکو آمر ترور شو
د کاپیسا ولایت امنیتي چارواکو ویلي، چې د دې ولایت د ترافیکو آمر د ناڅرګندو وسلوالو پر ډزو ووژل شو.
د کاپیسا پولیسو ویاند شایق شورش څرګنده کړې، چې د ترافیکو آمر سید منیر نن دوشنبه د غبرګولي ۱۲ د سهار پر اته بجو د دې ولایت د مرکز سید خان کلا په اړوند سیمه کې د ناڅرګندو وسلوالو لخوا ووژل شو.
شورش دغه پېښه ترورستي ګڼلې او څرګندوي، چې په دې اړه پلټنې روانې دي.
تر دې دمه هیچا د پېښې پړه پر غاړه نده اخیستې.